Հանդիպում Սոմերսեթի 19-րդ դուքսի հետ Bradley House-ում

Weekends.am–ի  Անգլիայում գտնվելու ժամանակ ձեզ արդեն «Ճամփորդական օրագրից»  հայտնի Minkan հանդիպեց Ջոն Սեյմուրի հետ։ Ջոն Սեյմուրը Սոմերսեթի 19-րդ դուքսն է, նրա նախնիները սերում են թագավորական ընտանիքից։ Նա նաև Լորդերի պալատի անդամ է։ Հանդիպումը կայացավ   դուքսի գլխավոր նստավայրում՝ Bradley House-ում։

Հանդիպման ժամանակ Ջոն Սեյմուրը պատմում էր իր նախնիների մասին, որոնք շատ մեծ դերակատարություն են ունեցել Անգլիայի քաղաքականության պատմություն մեջ հատկապես 15-րդ դարում։ Այնուհետև շրջեցինք  Bradley House-ում։ Ի դեպ, այստեղ հաճախ են լինում լրագրողներ։ Բացի այդ, Bradley House-ում կազմակերպվում են հարսանիքներ և այլ միջոցառումներ։

Այս 17-րդ դարի նշանավոր գեղեցկությամբ տունը հյուրերին հնարավորություն է ընձեռում տոնակատարություններ անցկացնել անգլիական պատմությունը և ժառանգությունը իր մեջ կրող վայրում։

Այսօր ձեզ ևս տալիս ենք հնարավորություն շրջել Bradley House-ում մեզ հետ միասին։

 

 

No Comments Ճամփորդական օրագիր

Ձնծաղիկների հովիտ․ գարունը Անգլիայում

     Ձնծաղիկների հովիտը մասնավոր անտառային տարածք է՝ թաքնված Էքսմուր ազգային պարկում։ Սեփականատերերը թույլատրում են այցելուների մուտքը այստեղ յուրաքանչյուր տարի փետրվար ամսին, քանի որ այդ ժամանակ այստեղ գետնին փռվում է իսկական ձնծաղիկների գորգ։ Այցելելով այս վայր՝ միանգամից զգում ես գարնան շունչը։

      Մենք չէինք կարող բաց թողնել այս հրաշքը սեփական աչքերով տեսնելու հնարավորությունը,  այցելեցինք ձնծաղիկների հովիտ, զբոսնեցինք և ուղղակի լավ օր անցկացրինք, ինչը կփորձենք ներկայացնել ֆոտոշարքում։

     Էքսմուր ազգային պարկի տնօրինությունը կազմակերպում  է մեքենաների կայանման ծառայությունը և մուտքի գործընթացը  Ձնծաղիկնեի հովիտ։

Այն բաց է հունվարի 31-ից մինչև մարտի մեկը ներառյալ։ Շատ սիրված վայր է զբոսաշրջիկների շրջանում։

No Comments Ճամփորդական օրագիր

Weekends.am–ը աշխարհի ամենայուրահատուկ թատրոնում բաց երկնքի տակ․ Անգլիա

Աշխարհի ամենագեղեցիկ վայրերից մեկը, հատկապես թատերական արվեստը սիրողների և գնահատողների համար, Մինակ թատրոնն է /Minack,/, որը գտնվում է  բաց երկնքի տակ Անգլիայում՝ Կորնուոլի կոմսությունում։

Այն կառուցվել է Ատլանտյան օվկիանոսի ափին գտնվող ժայռի վրա: Իր անվանումը  ստացել է «meynek» կորնական բառից, որը նշանակում է քարե տեղ։

   Ըստ «The Telegraph» հրատարակչության՝ Մինակ թատրոնը մտնում է աշխարհի ամենատպավորիչ թատրոնների ցանկի մեջ։ Այստեղ ներկայացումները լինում են մայիս ամսից  մինչև սեպտեմբեր, իսկ տարվա  մնացած ժամանակը այն բաց է այցելուների համար։

   Թատրոնը հիմնադրվել է հայտնի գրող Քեթրին Բուրդեկինի ավագ քույր Ռովենա Քեյդի  / Ровена Кейд/ կողմից։ 1929թ․ Ռովենայի տան մոտ՝ մարգագետինների վրա, տեղական թատերախումբը բեմադրում է Վիլյամ Շեքսպիրի  «Ամառային  գիշերվա քունը»  պիեսը  և մեկ տարի անց կրկնում է այն։

Իմանալով, որ թատերախումբը ուզում է բեմադրել Վ․Շեքսպիրի  «Փոթորիկ»  պիեսը՝ Ռովենան առաջարկում է բեմադրությունը տեղափոխել ծովի մոտ գտնվող իր այգի, որի տեղանքը հիասքանչ համապատասխանում էր որպես բնական դեկորացիա։

Իր այգեպանի հետ միասին ձեռքի տակ եղած իրերով նրանք պատրաստում են բեմ և նստատեղեր։ 1932թ․ բնական դեկորացիաներով  բեմադրված պիեսը մեծ հաջողություն է ունենում։ Ոգևորված այս հաջողությամբ՝ Ռովենա Քեյդը իր այգեպանի հետ ձմռանը սկսում է թատրոնի բարելավման աշխատանքները։

 Թատրոնը, որը մենք տեսնում եք այսօր, անցած 80-ից ավելի տարիների ընթացքում շատ փոփոխությունների է ենթարկվել, բայց եթե առաջին ներկայացման հանդիսատեսից ինչ-որ մեկը այնտեղ այցելեր  այսօր, միանշանակ կճանաչեր այն։

Ներկայումս ամեն տարի ամռանը թատրոնում բեմադրվում է մոտ 20 ներկայացում պրոֆեսիոնալ թատերախմբերի կողմից, ինչպես Մեծ Բրիտանիայից, այնպես էլ ԱՄՆ–ից։

Weekends.am-ի այցելության ժամանակ թատրոնում ներկայացում  չկար, բայց մենք շրջեցինք տեղանքով, այն բաց է ժամը 10․00-ից-15․00-ը։

 

Թատրոնում կա թանգարան, որտեղ ներկայացված են, թե ինչ հայտնի դերասաններ են խաղացել այս բեմի վրա, ինչ ներկայացումներ են եղել։ Այստեղ անգամ ֆիլմեր են նկարահանվել։

 

 

No Comments Ճամփորդական օրագիր

Նկարչուհի Minka-ն․..

Այսօր Ձեզ ենք ներկայացնում ՀՀ, ՌԴ ժողովրդական նկարիչ Դմիտրի Նալբանդյանի ազգական, նկարչուհի Արմինե Նալբանդյանի աշխատանքները /Minka/։

Դ. Նալբանդյանը ստեղծել է Խորհրդային Միության մի շարք քաղաքական գործիչների դիմանկարներ, ինչի համար նկարիչների շրջանում նրան անվանում էին «պոլիտբյուրոյի առաջին վրձին»։

Արմինե Նալբանդյանի   աշխատանքները հայտնի են հատպապես Եվրոպայում։ Նկարչուհին նշում է, որ իր ոգեշնչման աղբյուրը ճանապարհորդություններն են, որոնք էլ իրենց արտահայտումն են գտնում իր նկարներում։

Նկարչուհին հիմնականում նկարում է բնապատկերներ, ամրոցներ, այսինքն այն, ինչ տեսնում է իր ճանապարհորդությունների ընթացքում։  Նրա սերը նկարչության հանդեպ եղել է դեռ վաղ հասակից, բայց ստեղծագործական ուղին սկսել է ավելի հասուն տարիքում։

Minka-ի ամենասիրելի գործը Դանսթեր ամրոցի նկարն է։ Նա ասում է, որ անչափ շատ էր ոգենշնչվել ամրոց այցելությունից,  տպավորված էր ամրոցի ռոմանտիզմով և պատմությամբ, ինչն էլ փորձել է ներկայացնել իր աշխատանքում։ Ձեզ ենք ներկայացնում Արմինե Նալբանդյանի աշխատնքները ֆոտոշարքով, ով Եվրոպայում ավելի շատ հայտնի է Minka կեղծանվանբ։

Ի դեպ, կարծում ենք ճանաչեցիք նրան․ նա պետք է որ ձեզ ծանոթ լինի weekends.am-ի «Ճամփորդական օրագիր» բաժնից։ Եվ մենք դեռ շատ հետաքրքիր հոդվածներ ենք պատրաստելու միասին։

 

 

 

 

 

No Comments ՀետաքրքիրՃամփորդական օրագիր

Weekends.am-ը ամփոփում է իր ուղևորությունը Ամստերդամ

Այսպիսով, weekends.am-ը ամփոփում է իր ուղևորությունը Ամստերդամ՝ ներկայացնելով մեր ճանապարհորդությունը ֆոտոշարքով։  Երբ լինեք Ամստերդամում, անպայման շրջե՛ք նավակով քաղաքում․ դա ձեզ կօգնի ամբողջական պատկերացում կազմել Ամստերդամի մասին, և, իհարկե, բաց չթողնե՛ք հնարավորությունը այցելելու Ամստերդամի տեսարժան վայրերից  Վան Գոգի թանգարան, Ռեմբրանդտի տուն-թանգարան, Էրմիտաժ Ամտելի վրա, ինչու ոչ,  Կարմիր լապտերների թաղամաս և շատ այլ վայրեր․․․

Ի դեպ,  կիսվե՛ք ձեր տպավորություններով weekends.am-ի  «Իմ օրագիրը» բաժնում։

« 1 of 2 »
No Comments Ճամփորդական օրագիր

Կարմիր լապտերների թաղամաս․ Ամստերդամ

Weekends.am-ը իր նախորդ հոդվածներում անդրադարձավ Ամստերդամի ամենատեսարժան վայրերին՝ պատմելով Ռեմբրանդտի տուն-թանգարանի, Վան Գոգի թանգարանի, Էրմիտաժի  և այլ վայրերի մասին, բայց Ամստերդամում  կա ևս մեկ վայր, որը գրավում է հազարավոր զբոսաշրջիկների ուշադրությունը։

 Երիտասարդության շրջանում Ամստերդամը մեծ սեր է վայելում հատկապես Կարմիր լապտերների թաղամասի շնորհիվ, որտեղ մարմնավաճառները իրենց ցուցադրում են պատուհանների կամ ապակե դռների ետևից, որոնք ձևավորված են ցուցափեղկի նման և սովորաբար լուսավորվում են կարմիր գույնի լույսով։ Այս թաղամասում է գտնվում  նաև Մարմնավաճառության թանգարանը, որը կառուցվել է նախկին հասարակաց տանը, որտեղ այցելուներին ծանոթացնում են մարմնավաճառների այսօրվա կյանքի պատմության և իրականության հետ:  Կարմիր լապտերների թաղամասը անչափ մեծ հետաքրքրություն է առաջացնում զբոսաշրջիկների մոտ, ինչի շնորհիվ էլ դարձել է քաղաքի ամենատեսարժան վայրերից մեկը․  դա է պատճառը, որ weekends.am-ը՝ որպես  ճամփորդական կայք, չէր կարող թեկուզ թռուցիկ, բայց չանդրադառնար նրան։

   Ի դեպ, նշենք՝ թեև  շատ հայտնի վայր է Ամստրեդամում, բայց զբոսաշրջիկների մոտ տպավորությունները հակասական են․․․ շատերին այս վայրը վանում է իր վուլգարության և ամենաթողության պատճառով։

Հոլանդիայում մարմնավաճառությունը, ինչպես նաև թմրանյութ օգտագործելը, օրինական ու բացահայտ բնույթ ունեն։

 

 

No Comments Ճամփորդական օրագիր

Թեյենք անգլիացիներին բնորոշ էլեգանտ ոճով․․․Afternoon Tea

Եթե եղել եք Անգլիայում, ուրեմն հաստատ լսած կլինեք Afternoon Tea-ի / կեսօրյա թեյի / մասին․․իսկ եթե ոչ, մենք կպատմենք ձեզ այդ մասին: Ինչ է անգլիական կեսօրյա թեյը․․․/Afternoon Tea/

Կեսօրյա թեյախմության ավանդույթը գալիս է դեռ վաղ 1840-ական թվականներից։ Այս ավանդույթին սկիզբ է  դրել Բեդֆորդի 7-րդ դքսուհի Աննան։ Նա սովորաբար ճաշկերույթներից առաջ, մինչ հյուրերը կհավաքվեին, իր համար   փոքրիկ ուտելիք էր պատվիրում, որը կոտրում էր նրա քաղցը մինչև ճաշկերույթը։  Այնուհետև դքսուհին ճաշկերույթից առաջ սկսեց  հրավիրել իր ընկերուհիներին, և նրանց մատուցվում էր կեսօրյա թեյը, մինչ տղամարդիկ կհավաքվեին։ Այսպես այս ավանդույթը տարածում գտավ  բարձրաստիճան կանանց շրջանում՝ որպես հատուկ արարողակարգ, այնուհետև ավելի լայն տարածում ստացավ հասարակության մեջ։

Afternoon Tea-ին իր մեջ ներառում է փոքրիկ սենդվիչներ, ավանդական անգլիական թխվածքներ և, իհարկե, թեյ։ Կեսօրյա թեյը մատուցվում է մինչև ժամը 5-ը ՝  քաղցը կոտրելու նպատակով։ Նաև այդ ընթացքում անգլիացիները ծանոթանում են օրվա նորություններին ՝ ընթերցելով թերթերը։

Այս ավանդույթը պահպանվել է մինչ օրս։ Անգամ Անգլիայի ռեստորաններում թեյախմության համար հատուկ ժամեր կան ՝ իրենց առանձին ճաշացանկով։

 Եթե լինեք Անգլիայում, դարձեք այս հետաքրքիր ավանդույթի մի մասնիկը  և թեյեք անգլիացիներին բնորոշ էլեգանտ ոճով․․․

 

Լուսանկարները weekends.am-ի կեսօրյա թեյախմությունից՝  Անգլիա․․․

 

 

No Comments Աշխարհի ուտեստներըՃամփորդական օրագիր

Weekends.am-ը՝ թագավորական սպասքի ցուցադրությանը․ Ամստերդամ

Weekends.am-ը շարունակում է պատմել Ամստերդամ իր այցելության մասնին, և  այսօրվա հոդվածում ներկայացնում ենք մեր այցելությունը Էրմիտաժ Ամստելի վրա։ Թանգարանը Սանկտ Պետերբուրգի Էրմիտաժի մասնաճյուղն է: Այն ամբողջությամբ վերակառուցվել ու պաշտոնապես բացվել է 2009 թվականի հունիսին 19-ին։ Սանկտ Պետերբուրգի Էրմիտաժի հսկայական հավաքածուն ֆինանսապես աջակցելու համար տարբեր երկներում բացվել են էրմիտաժի մի քանի մասնաճյուղեր: Լոնդոնից և Լաս Վեգասից հետո ընտրվել է Ամստերդամը:

 Ամստերդամի Էրմիտաժն այսօր զբաղեցնում է 4000 քմ ցուցահանդեսային տարածք, սակայն չունի սեփական հավաքածուն, և թանգարանի համադրությունները կազմվում են միայն Սանկտ Պետերբուրգի Էրմիտաժի պահեստային ցուցանմուշներից: Թանգարանում կազմակերպվում են ժամանակավոր ցուցադրություններ, որոնք կարող են տևել 4 ամսից մինչև 2 տարի:

Կարճաժամկետ ցուցադրությունները հնարավոր են դարձնում նույն մարդու` կարճ ժամանակամիջոցում մի քանի անգամ այցելությունը թանգարան:

Պետերբուրգի Էրմիտաժի տնօրեն Միխայիլ Պիոտրովսկին երկրորդ ցուցահանդեսի կատալոգի նախաբանում նշել է.

«Գտնվելով Եվրոպայի սրտում՝ այլ մեծ թանգարանների ու մշակութային կենտրոնների կողքին, Էրմիտաժն Ամստելի վրա կարողացել է իր տեղը գրավել Եվրոպայի մշակութային ու թանգարանային կյանքում: Թանգարանի մուտքի մոտ գոյացող հերթերը պատմում են թանգարանի հաջողության մասին»:

Յուրաքանչյուր վաճառված տոմսից մեկ եվրոն փոխանցվում է Սանկտ Պետերբուրգի Էրմիտաժին:  Մուտքի տոմսն արժե 15 եվրո:

Weekends.am-ի այցելության ժամանակ թանգարանում  թագավորական սպասքի ցուցադրություն էր, որի հետ դուք էլ կարող եք ծանոթանալ՝  դիտելով այս շքեղ ֆոտոշարքը։

No Comments Ճամփորդական օրագիր

Weekends.am-ի այցելությունը Վան Գոգի թանգարան․ Ամստերդամ

Վան Գոգի թանգարանը դասվում է Նիդերլանդների՝ ամենաբարձր հաճախելիություն ունեցող թանգարանների շարքին․   այցելությունների թվով աշխարհում 23-րդ թանգարանն է։

Թանգարանն ունի Վան Գոգի ամենամեծ հավաքածուն աշխարհում՝ 200 գեղանկարներ, 400 նկարներ, Վինսենթ վան Գոգի 700 նամակներ։

Բացի հայտնի նկարչի աշխատանքներից՝ այստեղ կարելի է տեսնել Վան Գոգի ժամանակակիցների գործերը:

Վան Գոգը երկար  տարիներ չէր կարողանում վաճառել իր գործերը, ինչն էլ առաջացրել էր նրա մոտ խրոնիկ դեպրեսիա, էպիլեպսիայի զարգացում և լուրջ հոգեբանական խանգարում:

Գումարի բացակայության պայմաններում նա չէր կարողանում բնորդներին վճարել․ այդ պատճառով էլ նա նկարում է իր բազում դիմանկարները։

Միակ մարդը, որ հասկանում և օգնում էր չհասկացված հանճարին,  իր մեծ եղբայր Տեո վան Գոգն էր։ Բայց Տեոն չհասցրեց դասակարգել նրա ժառանգությունը։ Նկարները և եղբայրների նամակագրությունը անցնում են եղբոր այրուն, ով հետաքրքրությամբ կարդում է  նամակները և ըստ արժանվույն գնահատելով  դրանց ոճը՝ հրատարակում է հավաքածու։ Հավաքածուն ընդունվում է հասարակության կողմից, և նկարիչը  ձեռք է բերում որոշակի ճանաչելիություն։ Վան Գոգի անունը սկսում է հայտնի դառնալ։

Թանգարանի բացումից առաջ՝ մինչև 1973 թվականը, վարպետի նկարները պահպանվում էին նկարչի զարմիկի մոտ, ում էլ հենց պատկանում է թանգարան ստեղծելու գաղափարը և կյանքի կոչումը:  Շենքը կառուցվում  է  հոլանդացի դիզայներ և ճարտարապետ  Գերիթ Ռիետվելդի նախագծով: 25 տարի անց՝  դրան կցում են լրացուցիչ ցուցադրական թև, որի նախագիծը մշակվել է ճապոնացի    Կիշո Կուրոկավան: Թանգարանում նկարչի աշխատանքները ներկայցվում են ցուցահանդեսային ժամանակագրությանբ։

Մասնագետները Վան Գոգի արվեստը բաժանում են 5 փուլի:

 

1.Վաղ ստեղծագործություններ

Նկարների դեպրեսային և մուգ երանգները  փոխանցում են որոշակի անելանելիություն: Այդ շրջանի ամենահայտնի նկարը  «Կարտոֆիլ ուտողներն» է:

 

     2.Փարիզ

Աշխատանքները լուսավորվում են: Հայտնի  ֆրանսիացի վարպետների հետ ծանոթությունը մեծ ազդեցություն են թողնում Վան Գոգի ձեռագրի վրա։

Հենց Փարիզում է Վան Գոգը շատ  փորձարկումներ անում: Հայտնվում է յուրահատուկ դինամիկա, որը դառնում է վարպետի տարբերակիչ գիծը։

 

 

     3. Առլ

Դիմանկարները գնում են երկրորդ պլան: Մեծ քանակով հյութալի տեսարաններ, ծաղկող ծառեր, անծայրածիր դաշտեր։ Հենց այդ փուլի ստեղծագործություններին է պատկանում հայտնի «Արևածաղիկները» նկարը:

 

     4.Սեն – Ռեմի

 

Վան Գոգը հոգեբուժարանում: Սակայն աշխատանքը չի դադարում: Սյուժեն համապատասխանում է մթնոլորտին՝ հիվանդասենյակներ, միջանցքներ, հիվանդներ, տեսարաններ պատուհանից։

 

     5.Օվեր

Այս շրջափուլում պոլիտրան հագեցած է անբնական վառ գույներով: Այդ փուլի ամենահայտնի նկարներից մեկն  է «Ագռավները ցորենի դաշտում»  նկարը:

Վան Գոգի նկարները աշխարհում ամենաշատ գողացվածներն են: 2002 թվ թանգարանից գողացել են 2 նկար։ Նկարներից ոչ մեկը չի հաջողվել վերադարձնել: Զարմանալի է, բայց  Հոլանդական օրենքի համաձայն, եթե 30 տարվա ընթացքում  կորած նկարները չեն  գտնվում, ապա գողերը կարող են ներկայացնել  իրենց իրավունքները գլուխգործոցների նկատմամբ:

Համարվում է, որ կյանքի ընթացքում նկարիչը վաճառել է միայն մեկ նկար՝ «Խաղողի կարմիր այգիներ Առլում» 400 ֆռանկով: Բայց փաստերը այլ բան են վկայում, գնորդներ եղել են նաև ավելի վաղ, սակայն վաճառքի գինը շատ ցածր է եղել։ «Խաղողի կարմիր այգիներ Առլում» նկարը  ուղղակի Վան Գոգի ամենաթանկ վաճառքն   է եղել։

Թանգարանը գործում է

Երկուշաբթիից–հինգշաբթի 10․00-18․00

Ուրբաթ օերին 10․00-20․00․

Շաբաթ կիրակի  10․00-18․00

 

Առցանց պատվիրելու դեպքում պետք է նշել այցելության ամսաթիվը և ժամը։

Թանգարնում նկարվելը խստիվ արգելվում է, բացի մի քանի հատուկ տեղից, որտեղ թույատրվում է մի քանի նկար անել :

Weekends.am-ի այցելության ժամանակ թանգարանում անցկացվում էր սեմինար երիտասարդների հետ։

Մենք հետևեցինք թանգարանի կանոններին․ այդ իսկ պատճառով լուսանկարները քիչ են, բայց տպավորությունները․․․․։

 

 

No Comments Ճամփորդական օրագիր

Weekends.am-ի այցելությունը Ռեմբրանդտի տուն-թանգարան.Ամստերդամ

Ինչպես և խոստացել էինք «Ճամփորդական օրագրի»­­­ նախորդ հոդվածում, ներկայացնում ենք մեր այցելությունը  Ռեմբրանդտի տուն-թանգարան, որը գտնվում է Ամստերդամում։ Թանգարանի իրերը բնօրինակներ չեն, բայց համադրելի են Ռեմբրանդտի այն ժամանակվա օգտագործած իրերին։

Ռեմբրանդտը տունը գնել է իր հաջողության գագաթնակետին՝   1639թ։

1656 թվականին  Ռեմբրանդտը հայտարարվել է անվճարունակ պարտապան, 1657-1658 թվականներին նրա ողջ ունեցվածքը աճուրդի է հանվել։ Տան և ունեցվածքի աճուրդի հանվելուց հետո Ռեմբրանդտը տեղափոխվել է Ամստերդամի հրեական թաղամաս և կյանքի մնացած մասը անցկացրել նեղության մեջ։

Ռեմբրանդտի տունը վաճառում են աճուրդից, վերակառուցում և մինչև XIX դարի վերջ այնտեղ ապրում են մի քանի հոլանդական ընտանիքներ։

Ռեմբրանդտի տուն-թանգարանը վայր է, որը իր մեջ պահում է ամենատխուր և ամենաերջանիկ հիշողությունները։

1906 թ․ Ամստերդամում պատրաստվում էին նկարչի մեծ ցուցահանդեսին։ Քաղաքային իշխանությունները գնում են նկարչի տունը և այն  հանձնում  Ռեմբրանդտի ֆոնդին։

Առանձնատունը վերականգնվում է, և այնտեղ տեղադրվում են նկարների հավաքածուներ։

Բացառիկ հավաքածուն հավաքում էին կտոր-կտոր։

Թանգարանում վերականգնված  է Ռեմբրանդտի ժամանակաշրջանի  պատմական մթնոլորտը՝ խոհանոցը, բնակելի սենյակները և նկարչի արվեստանոցը։

Տուն-թանգարանի ինտերերում ներկայացված են Ռեմբրանդտի ժամանակաիցների, աշակերտների և ուսուցչի աշխատանքները։

Սենյակներից մեկում հավաքված է հնությունների հավաքածու։

Առաջին հարկում ապրել է նկարիչը իր ընտանքի հետ միասին, իսկ երկրորդ հարկում եղել է  նրա արվեստանոցը։

Արվեստանոցում ներկայացված են նյութեր, որոնցից պատրաստվում էին ներկեր։ Նաև ցուցադրվում է, թե ինչպես էին միախառնվում այս կամ այն բնական հանքանյութերի ներկերը  յուրահատուկ գույն ստանլու համար։ Մենք նույնպես էքսկուրսավարի օգնությամբ մասնակցեցինք այդ գործընթացին։

Մարդկանց հոգեվիճակը հասկանալու և պատկերելու համար Ռեմբրանդտին կոչել են «քաղաքակրթության մեծագույն մարգարեներից մեկը»։

2013 թվականի ապրիլին Ամստերդամի Պատկերասրահի աշխատակիցները «կենդանացրել են» Ռեմբրանդտի «Գիշերային դետք» նկարը՝ մեծ առևտրային կենտրոնում խաղալով մի ամբողջ թատերական ներկայացում:

 

«Գիշերային դետք»-ի  կերպարները,  Ամստերդամ

«Գիշերային դետք»-ի  կերպարները,  Ամստերդամ

Իմպրեսիոնիստ Մաքս Լիբերմանը ասել է․ «Ամեն անգամ, երբ ես տեսնում եմ Հալսի նկարները, ուզում եմ նկարել, երբ տեսնում եմ Ռեմբրանդտի նկարները, ուզում եմ հանձնվել»։

Weekends.am-ի այցելությունը Ռեմբրանդտի տուն-թանգարան ֆոտոշարքով։

« 1 of 24 »

 

 

 

 

 

 

 

 

 

 

 

 

 

 

No Comments Ճամփորդական օրագիրՖոտոշարք
error: Նյութը ձեռք բերելու համար դիմեք հեղինակին