Սա կլինի Ձեր կյանքի ամենայուրահատուկ զբոսանքը

Սոմերսեթում հաճելի և գեղեցիկ ժամանցի յուրահատուկ տարբերակ է առաջարկում  այս փոքրիկ ընտանեկան բիզնեսը, որը արդեն հասցրել է սիրվել զբոսաշրջիկների կողմից և դարձել է հանգստյան օրերը անցկացնելու անմոռանալի տարբերակ։

Խոսքը նավակով  ճամփորդության մասին է, բայց ոչ սովորական․ բանն այն է, որ նավակը այսպես ասած <<քաշում է>> է ձին մոտակա ափից, և նավակը գետի վրայով հետևում է նրան։

Հետաքրքիրը նաև այն է, որ նավապետը մարդ չէ, այլ շուն, բայց հանգիստ եղեք, նավավարը մարդ է։ Սա յուրահատուկ ընտանեկան միջավայր է, փոքրիկ սննդի կետով և հանգստի գոտով։

75-տեղանոց նավակը գործում է ժամանակացույցով՝ ապրիլի 1-ից 31-ը ընկած ժամանակահատվածում ցերեկային հանրային ուղևորություններով: Այն հասանելի է նաև մասնավոր վարձույթի համար ցերեկվա և երեկոյան ժամերին: Նավարկության ընթացքում Ձեզ ուղեկցում են գեղեցիկ տեսարանները և մաքուր  օդը։

Ի դեպ՝ քանի որ Անգլիայում գետերը շատ են, այս մեթոդը նախկինում տարածված էր, թե՛ մարդկանց տեղափոխելու, թե՛  բեռնափոխադրումներ կատարելու համար։

 

Ֆոտոշարքը այստեղ՝

« 1 of 2 »
No Comments ՀետաքրքիրՃամփորդական օրագիր

Վինձոր ամրոցը և ամանորյա տրամադրությունը քաղաքում․ֆոտոշարք

Ամանորին ընդառաջ weekends.am թիմի անդամ Արմինեն, ով  գտնվում է Անգլիայում, /Minka/ ուղևորվեց Վինձոր՝ այստեղ տիրող ամանորյա մթնոլորտը ներկայացնելու։

Շքեղ հանգիստը նախընտրողնրի համար սա իդելական վայր է, քանի որ, չնայած Վինձորը փոքրիկ քաղաք է, բայց այն հարուստ է շքեղ ռեստորաններով և հյուրանոցներով։ Այս վայրը շատ հայտնի է զբոսաշրջիկների շրջանում, քանի որ այստեղ է գտնվում Վինձոր ամրոցը, որը թագավորական նստավայր է և ընդգրկված է գինեսի ռեկորդների գրքում՝ որպես աշխարհի  ամենամեծ բնակելի ամրոց։ Զբոսաշրջիկների մոտ այն մեծ հետաքրքրություն  է առաջացնում այն պատճառով, որ վերջինս  չի վերածվել թանգարանի, այլ նրանում կյանքը եռում է։

Այստեղ թագուհին ընդունում է բարձրաստիճան հյուրերի, ստորագրում է որոշ պետական փաստաթղթեր և այլն։ Թվում է, թե այս վայրը պետք է փակ լինի հետաքրքրասերների աչքերից, սակայն, ո՛չ, ամրոցի այն հատվածները, որտեղ չեն բնակվում թագուհին  և իր ընտանիքի անդամները, բաց են ծանոթության համար, սակայն պաշտոնապես չեն պատկանում որևէ թանգարանի։

Էքսկուրսիաները այստեղ խիստ կանոնակարգված են։ Ձմռանը այցելուների համար այն փակվում է 16․15։ Այստեղ այցելուները պետք է պահպանեն լռություն։ Կարգ ու կանոնի պահպանմանը հետևում է թագավորական պահակախումբը։ Ահա այսպես է Վինձոր ամրոցում թագուհու պահակախումբը հանձնում հերթափոխը առավոտյան։

Այցելությունը ամրոց վճարովի է։

Վինձոր ամրոցի ամանորյա ձևավորումը՝

Սա մեր 2-րդ ուղևորությունն է Վինձոր, և մենք արդեն հասցրել ենք ձեզ ներկայացնել Վինձոր ամրոցը առանձին հոդվածով, որին կարող եք ծանոթանալ հետևելով հղմանը:

Իսկ այս այցելության ընթացքում մենք եղանք Միշլենյան աստղ կրող ռեստորանում, որտեղ մեզ համար պատրաստեց հայտնի խահարար Marko Pierre-ն։

Եղանք Արքայազն Հարրի փաբում, որտեղ, երբ դուք էլ լինեք, ձեզ անպայման կառաջարկեն փորձել  Mulled wine, ի՞նչ է դա, կասեք դուք, Mulled wine-ը գինի է՝ պատրաստված հատուկ համեմունքերով, որը ձմռանը խմում են տաք։

Անգլիայում ավանդական ձմեռային խմիչք է, հատկապես ամանորյա տոներին։ Փորձելուց հետո հաստատ չեք փոշմանի։ Weekend-ի հիանալի ավարտ էր բուխարու մոտ երեկոն մեր շքեղ հյուրանոցում։

Ամանորյա Վինձորը ֆոտոշարքով։

« 1 of 3 »

 

 

 

 

 

 

 

 

 

 

 

 

No Comments Ճամփորդական օրագիր

Weekends.am-ը Չերչիլի ծննդավայրում․․․Բլենհայմի պալատը իր այգիներով

Weekends.am-ը շարունակում է բացահայտել աշխարհի գեղեցիկ անկյունները և իհարկե կիսվում է իր տպավորություններով և օգտակար խորհուրդներով ձեզ հետ։

Ինչպես գիտեք, մեր թիմի անդամ Արմինեն շրջում է Անգլիայում և նոր վայրեր է բացահայտում մեր հետևորդների համար։ Այս անգամ ձեր ուշադրության ենք ներկայացնում Բլենհայմի պալատը, որը Անգլիայի ամենագեղեցիկ պալատներից մեկն է, և հազարավոր զբոսաշրջիկներ ամեն տարի գալիս են այն տեսնելու։

Օքսֆորդից ոչ շատ հեռու գտնվում է գեղատեսիլ Բլենհայմի պալատը, որը  Անգլիայի ամենամեծ պալատական համալիրներից մեկն է։ 1987 թվ այն ընդգրկվել է  ՅՈՒՆԵՍԿՕ-ի Համաշխարհային ժառանգության ցանկում։ Բլենհայմի պալատը տարբերվում է նրանով, որ կառուցված է բարոկկո ոճով, որը տիպիկ չէ Անգլիային։

Այս վայրի բացառիկ լինելը պայմանավորված է նաև պատմական իրադարձություններով և հայտնի մարդկանցով, որոնց անունները կապված են պալատի  հետ։ Օրինակ՝ հենց այստեղ է ծնվել Ուինսթոն Չերչիլը, ում անգլիացիները համարում են մեծագույն բրիտանացիներից մեկը:

Անձամբ վարչապետը հետագայում ասել է, որ այս վայրի հետ կապված են իր կյանքի երկու կարևոր իրադարձությունները՝ իր ծնունդը և ապագա կնոջը ամուսնության առաջարկություն անելը․․․

Ամրոցի մեծ մասը, բացի մասնավոր սենյակները, բաց է զբոսաշրջիկների համար․․․ Զբոսաշրջիկներին հնարավորություն է տրված ուսումնասիրել պալատի տեսարժան վայրերը, զբոսնել բացառիկ գեղեցկությամբ այգում, ձկնորսությամբ զբաղվել տեղի լճում, գնել տեղական հուշանվերներ և բուժիչ հանքային ջուր։  Այստեղ կազմակերպվում են նաև  հարսանյաց հանդեսներ և  կորպորատիվ միջոցառումներ։

Պալատը այնքան գեղեցիկ է, որ հաճախ այստեղ անգամ ֆիլմեր են նկարում՝ օգտագործելով նա գեղեցկությունը որպես դեկորացիա։

Այն գտնվում է Օքսֆորդից ոչ շատ հեռու, և այստեղ հեշտությամբ կարող եք հասնել ոտքով, այդպես նաև կկարողանաք վայելել շրջակայքի ողջ գեղեցկությունը։ Բացի դա,  ավտոբուսով  այստեղ կհասնեք մոտ կես ժամում, մինչդեռ հանգիստ զբոսնելով՝ պալատ կարող եք հասնել 10 րոպեում։

Առաջինը Բլենհայմի պալատում ուշադրությունը գրավում է շքեղ մարմարե դահլիճը։

Գրադարանը նույնպես շատ հետաքրքիր է, առաջին հայացքից այն անվերջ է թվում, քանի որ շատ մեծ է․ այստեղ գտնվող գրքերի մեծ մասը հազվագյուտ հրատարակություններ են։

Նաև պալատը ունի հսկայական երգեհոն․ որի ոչ միայն չափերն են  զարմացնում  զբոսաշրջիկներին, այլև արտաքին տեսքը․ դատե՛ք ինքներդ․․․

Ի դեպ, հենց այս երգեհոնն է ուղեկցում հարսանյաց հանդեսները  այն մարդկանց, ովքեր  ցանկացել են շքեղագույն ձևով նշել իրենց հարսանիքը։

Բոլոր հյուրերին էքսկուրսավարները ուղեկցում են այն սենյակը, որտեղ ծնվել է Ուինսթոն Չերչիլը։

Թանգարանի սեփականատերերի հետաքրքիր մտահղացումներից է  մաքրուհին, ով անցկացնում է էքսկուրսիաներ պալատում․ ի՞նչն է հետաքրքիր, կասեք դուք, դե բանն այն է,  որ մաքրուհին ուրվական է․․․

Դե իհարկե, նա իսկական ուրվական չէ, չնայած նրան, որ հին ամրոցներում և տներում դա բացառություն չէ, բայց այս ուրվականը ստեղծվել է նորագույն տեխնոլոգիաների միջոցով։ Ի դեպ, կիսաթափանցիկ ուրվականի տեսքը, ով պատմում է ամրոցի պատմությունը, վախ է առաջացնում նույնիսկ նրանց մոտ,  ովքեր գիտեն, թե բանն ինչում է։

Անգլիական հրաշք այգին  Բլենհայմի պալատի զարդն է, որը զարմացնում է իր գեղեցկությամբ և հնարավորություն է տալիս յուրաքանչյուր այցելուի զմայլվել գեղեցիկով։

Այս այգում դուք կտեսնեք բազմաթիվ արտառոց բույսեր ամբողջ աշխարհից, նաև այգում կա թիթեռների տուն, որում պահվում է կենդանի միջատների հսկայական հավաքածու:

Բոլոր նրանց համար, ովքեր սիրեցին այս վայրը և կցանականան գնալ այն սեփական աչքերով տեսնելու, խորհուրդ կտանք  էքսկուրսիան սկսել առավոտյան, որպեսզի հանգիստ կարողանաք զբոսնել դահլիճներով, քանի որ  կեսօրին այնքան մարդաշատ է լինում, որ հնարավոր չէ վայելել այս պալատի ամեն մի գողտրիկ անկյունը։

Իսկ մինչ Ձեր ուղևորությունը, դիտեք մեր թիմի անդամ Արմինեի /MINKA/ ֆոտոշարքը այս կախարդական պալատում։

« 4 of 4 »

 

No Comments Ճամփորդական օրագիր

Ամբերդը մեր աչքերով. ֆոտոշարք

Ամբերդ (Անբերդ) ամրոց-բերդաքաղաքը կառուցվել է պատմական Արագածոտն գավառում,  Արագածոտնի մարզի Աշտարակի տարածաշրջանի Բյուրական գյուղից 7 կմ հյուսիս-արևմուտք, Արագածի հարավային լանջին, Արքաշեն և Ամբերդ գետերի միախառնման տեղում` եռանկյունաձև հրվանդանի վրա՝ 2300 մ բարձրության վրա:

Ամբերդ անունը ծագել է աղավաղման հետևանքով, նախնական անունը եղել է Անբերդ։ Ամբերդ անունը բացատրվում է որպես ամպի բարձրության բերդ, կից-բերդ: Հանդիպում է նաև Անբերդ տարբերակը՝ անառիկ, անմատչելի բերդ: Կոչվել է նաև Հանբերդ, Համբերդ, Ղըզղալա անուններով:

 

Ամբերդը մեր աչքերով՝ 

« 1 of 2 »

No Comments Ճամփորդական օրագիր

Զբոսանք Սորենտոյի փողոցներով․ ֆոտոշարք

Այսպիսով, ավարտվեց և հիշողություն դարձավ ևս մեկ ճանապարհորդություն․․․

Weekneds.am-ի ճամփորդությունը Իտալիա՝, Սորենտո, Կապրի, արդեն ներկայացրել ենք ձեզ, բայց քանի որ Սորենտոյի փողոցները շատ գեղեցիկ և հետաքրքիր են, որոշեցինք ներկայացնել այս ֆոտոշարքը։

Դե իսկ մենք կհանդիպենք արդեն նոր վայրերում։

Կարդացեք  նաև՝ Սորենտոյից Կապրի․ Weekends.am-ի ճամփորդության մանրամասները,

Weekends.am-ը Սորենտոյում․ տեսարժան վայրերը և ոչ միայն

« 1 of 7 »

No Comments Ճամփորդական օրագիր

Սորենտոյից Կապրի․ Weekends.am-ի ճամփորդության մանրամասները

Weekends.am-ը Իտալիայում լինելու ժամանակ չէր կարող բաց թողել weekend-ը  Կապրիում /Տիրենյան ծով/, անցկացնելու հնարավորությունը։

Սորենտոյից նավով ուղևորվեցինք այնտեղ՝  այս զարմանահրաշ լազուր կղզին տեսնելու և զգալու։ Կղզին անչափ գեղեցիկ է, զգացվում է հին իտալական շունչը, այստեղ նախկինում հաճախ էին գալիս գրողներ  հանգստանալու, այստեղ անգամ 1906-1913-ին ապրել է  Մաքսիմ Գորկին։

Այժմ այս կղզին հայտնիների սիրելի վայրն է, որը պետք է գնաս, տեսնես և զգաս, բայց ինչևէ, փորձենք ներկայացնել մեր տպավորությունները, մինչ դուք էլ գնաք և վայելեք այս հրաշքը։ Եթե կարճ ժամանակով եք գնալու Կապրի, օրինակ մեկ օր, ավելի լավ է գնաք առավոտյան, թե չէ կեսօրին  արդեն շատ մարդաշատ է։

 Մենք Սորենետոյից նավով եկանք  Կապրի կղզի, ապա այնտեղից մինի ավտոբուսով զբոսավարի ուղեկցությամբ գնացինք  Անակապրի /քաղաք Իտալիայում, Կապրի կղզում/, որտեղից էլ ճոպանուղով իջանք  Կապրի քաղաք։

 

Կապրին տուրիստական վայր է, այստեղ ամեն քայլափոխի  դիզայներական խանութներ են, հուշանվերների բուտիկներ և իհարկե, շքեղ ռեստորան-սրճարաններ։

 

Ռեստորանների պատերին փակցված հաճախ կարող էինք տեսնել աստղերի լուսանկարներ, որոնք եղել էին այդտեղ։

Եվ իհարկե, նավով շրջագայություն կղզում․․․և անմոռանալի տպավորությունները ապահովված էին․․․

Կապրիի գեղեցկությունը փորձել ենք ներկայացնել լուսանկարներում, թե ինչքանով է հաջողվել, որոշեք ինքներդ՝ նայելով այս երկնագույն ֆոտոշարքը ․․․

Իսկ մենք ավարտեցինք մեր ճանապարհորդությունը Իտալիա՝ Սորենտո, Կապրի կղզի,  վայր, որը մեկ բառով կարող եք բնութագրել տաք և բուրող ցիտրուսի բույրով։

 

« 2 of 6 »

 

 

 

 

 

No Comments Ճամփորդական օրագիր

Weekends.am-ը Սորենտոյում․ տեսարժան վայրերը և ոչ միայն

Շքեղ հանգիստը նախընտրողների համար այս վայրը ուղղակի իդեալական է, Սորենտո՝ քաղաք Հարավային Իտալիայում՝ Նեապոլի ծավածոցի հարավային ափին:

Սորենտոյի տեսարժան վայրերը, բնակլիմայական հրաշալի պայմանները, շքեղ հյուրանոցները հրապուրում  են բազում զբոսաշրջիկների։

Խանութները զբոսաշրջիկներին առաջարկում են գեղեցիկ խեցեղեն, ժանյակե գործվածքներ, զարդատուփեր, հուշանվերներ:

Սորենտո կարելի է հեշտությամբ հասնել Նեապոլից և Պոմպեյից ավտոմեքենայով, նավով, գնացքով: Մեզ Նեապոլի օդանավակայանում դիմավորեցին մեր հյուրանոցի աշխատակիցները և մինի ավտոբուսով ժամանեցինք Սորենտո քաղաքի  կենտրոնին մոտ՝ օդանավակայանից մեկուկես ժամ հեռավորության վրա գտնվող, մեր 5 աստղանի հյուրանոցը, որը գտնվում էր հենց սարի գագաթին։

Սորենտոյից ոչ շատ հեռու գտնվում են Վեզուվ հրաբուխը, Կապրի կղզին, ուր կարելի է հասնել աշխուժորեն երթևեկող նավերով ու նավակներով: Կապրի կատարած մեր այցելությունը կպատմենք հաջորդ հոդվածում։

Բնակավայրի հովանավորն է սուրբ ճգնավոր և տեղի բենեդիկտյան վանքի վանահայր Անտոնիուսը (555 կամ 556—625 թթ.). նրա տոնը նշվում է յուրաքանչյուր տարի փետրվարի 14-ին:

Գիդի օգնությամբ ծանոթացանք տեղական ավանդույթներին, տեսարժան վայրերին, թե որտեղ և երբ կարելի  է այցելել, որ ռեստորաններից օգտվել, նաև զգուշացնում էին, թե որտեղ ավելի զգույշ լինենք։

Մի խոսքով, արդեն ճանապարհին լավ ինֆորմացիա ստացած՝ հասանք մեր շքեղ հյուրանոցը, որտեղ մեզ էր սպասում Piano բառը՝ պանառամա տեսարանով, դասական երաժշտությամբ, և բացառիկ գինիների տեսականու հավաքածուն․ ասեք որ գայթակղիչ է։ Մեզ հյուրասիրեցին կոկտեյլ և տվեցին համարի բանալիները։

Շատ հարմար հյուրանոց, բարեհամբույր անձնակազմ, գները միջինից բարձր, բայց գինը և որակը համապատասխան էին։ Սնունդը 2  անգամ, բայց ժամերը կարող էինք փոխել։ Ցանկության դեպքում 3 անգամյա սնունդ, բայց  այդ տարբերակը այդքան էլ հարմար  չէր, քանի որ գները շատ  թանկ էին, ուստի ավելի նախընտրելի էր օրական մեկ անգամ սնվել դրսում։

Այցելեցինք Սորենտոյի Արվեստի ինստիտուտ, որտեղ ընթանում  էր Սոֆի Լորենի լուսանկարների ցուցահանդեսը։ Ցուցադրված էին դերասանուհու անձնական կինոմոտոգրաֆիկ լուսանկարները, և ներկայացված էր նրա կյանքի անցած ուղու  պատմությունը։ Շատ տպավորված էինք ցուցահանդեսով, ցավոք, ներսում լուսանկարելը արգելվում էր․․․

ՈՒզում ենք անդրադառնալ Սորենտոյի փողոցներին, ամեն մեկը կարծես ֆիլմի մի հատված հիշեցներ, շատ գեղեցիկ, հետաքրիր, քայլում ես ու քեզ զգում ես ֆիլմի հերոսուհի, ով այս վայրից այն վայր է տեղափոխվում։

Քաղաքը շատ արևային է և բուրում է ցիտրուսով, ինչը պայմանավորված է նրանով,  որ այստեղ շատ են մանդարինի և կիտրոնի ծառերը։

Իտալական խոհանոց

Իտալական խոհանոցը իզուր չէ որ հայտնի է ամբողջ աշխարհում, այն ոչ միայն համեղ է, այլև շատ գեղեցիկ։ Այստեղ կարող եք հանգիստ համտեսել ձկնեղն, քանի որ այն միշտ թարմ է։ Անգլիացիները սիրում են կատակել, եթե ծովը չես տեսնում, ձուկ մի կեր, սա այդ դեպքը չէ։

Փորձեցինք նաև իսկական իտալական թոնրի պիցցա՝ իտալացի խոհարարի ձեռքով պատրաստված․․․շատ համեղ էր․․․

Երեկոյան Սորենտոն  նույնպես շատ գեղեցիկ և ռոմանտիկ է, հատկապես դուր եկավ սրճարաններից մեկը, ուր մինչ հասնելը պետք է անցնեինք  կենտրոնական հրապարակի փողոցներից մեկով, որը կամարաձև ձևովորում ուներ, կամարների տակով անցնելիս ինքնաբերաբար ուզում էիր երազանք պահել։ Իսկ արդեն սրճարանում  նկարիչը մոտենում և լուսանկարում էր սիրահարներին, շատ ռոմանտիկ էր, հատկապես երեկոյան լուսավորության ներքո։

Նաև նշենք, որ լինելով այստեղ՝ դուք պետք է վճարեք քաղաքի հարկ, և դա չի մտնում հյուրանոցի ծախսերի մեջ, էնպես որ գնալիս դա ևս հաշվի առեք։

Ի դեպ, քաղաքը, վաղուց ի վեր հայտնի լինելով իր մեղմ կլիմայով ու փարթամ բուսականությամբ, բնակեցվել է դեռևս վաղ քարե դարի ժամանակներից ( սկսած մեր թվականությունից շուրջ 50 հազար տարի առաջ):

 

Շարունակելի․․․․

 

 

No Comments Ճամփորդական օրագիր

Weekends.am-ի ճամփորդությունը Բաթ

Weekends.am-ի ճամփորդական օրագրի այս հոդվածում ձեզ ենք ներկայացնում մեր ճամփորդությունը անգլիական Բաթ քաղաք, որը գտնվում է Անգլիայի հարավարևելյան մասում՝  Էյվոն գետի ափին։

Բազմաթիվ  պատմական և ճարտարապետական հուշարձանները, լավ կլիման, գեղեցիկ բնապատկերները, յուրահատուկ մշակույթը, տաք հանքային ջրերը, որոնցով հայտնի է քաղաքը, տարեկան գրավում են 5 միլիոն զբոսաշրջիկների ուշադրությունը։

Բաթում այցելեցինք  Հռոմեական բաղնիքների թանգարան։ Բառացիորեն անգլերենից Բաթը թարգմանվում է բաղնիք։ Հռոմեական բաղնիքների թանգարանը համալիր է՝ բաղկացած տաճարից, առողջության սուրբ աղբյուրից, հռոմեական թերմերից և անտիկ ժամանակների հնագիտական գտածոներին նվիրված  թանգարանից:

 

 

Այցելությունը այս թանգարան ձեզ ընդհանուր պատկերացում կտա այս հինավուրց քաղաքի մասին։  Թանգարանի ադմինիստրացիան արել է ամեն բան տեղեկությունը ավելի մատչելի միջոցներով այցելուներին փոխանցելու համար։ Այստեղ աուդիո սարքավորումների միջոցով,  եթե նույնիսկ անգլերեն չգիտեք՝  ըստ ձեր իմացած լեզվի, կարող եք ծանոթանալ նմուշների պատմությանը, իսկ  ցուցադրվող տեսահոլովակները ավելի տպավորիչ կդարձնեն ձեր այցելությունը։

 Թանգարանում  շրջում են  դարբիններ, ուլունքեր վաճառողներ․․․

Հերթերից խուսափելու համար  ցանկալի է այստեղ գալ վաղ առավոտյան՝  նախօրոք ճշտելով աշխատանքային ժամերը։ Հատկապես ամռանը այցելուները այստեղ շատ-շատ են լինում։

Թանգարանից հետո կարող եք հանգստանալ ռեստորան-սրճարաններում  և վայելեք Բաթի գեղեցիկ տեսարանները, եթե, իհարկե,  անգլիական եղանակը թույլ տա։

 Բաթի ճանաչված տեղերից  է Thermae Bath Spa-ն /սպա,  հանքային ջրերի կենտրոն/, որը կառուցված է ավելի նոր ժամանակներում։

 Այստեղ կարող եք օգտվել տարբեր սպա ծառայություններից և ավարտել ձեր հանգիստը տանիքի տաք լողավազանում, որը շրջապատաված է գոթական ոճի կառույցներով։ Այստեղ ձեզ կզգաք ասես երկնքում։

    Բաթի կենտրոնում կան բազմաթիվ գոթական ոճով կառույցներ, գեղեցիկ զբոսանքի վայրեր, այնպես որ ժամանակ հատկացրեք և ուղղակի քայլեք Բաթի փողոցներվ՝  վայելելով այդ գեղեցկությունը։

Սպայից հետո կարող եք գնալ The Pump Room Bath թեյարան և վայելել անգլիական  Afternoon Tea-ն։

Լինել Բաթում և չտեսնել Փալթնի / Pulteney/ կամուրջը, իհարկե, ո՛չ ։

Կամուրջը եզակի է նրանով, որ կառուցապատված է երկու կողմից։ Յուրաքանչյուր կողմից խանութների և առևտրի կետերի շինություններն են։ Կամուրջը կառուցվել է բաթի քարով 1769-1773 թվականներին Ռոբերտ Ադամի նախագծով։ Կառույցը անվանվել է Բաթից կամրջով անջատված Բասուիք գյուղի տեր սըր Ուիլիամ Փալթնիի կնոջ պատվին։

 Ֆինանսական տեսակետից բյուջետային քաղաք չէ, բայց արժե ասյտեղ անցկացրած յուրաքանչյուր րոպեն։ Եթե լինենք Անգլիայում, ամենաքիչը երկու օր տրամադրեք  Բաթ քաղաք այցելությանը՝  այս գեղեցկությունը սեփական աչքերով տեսնելու համար, իսկ եթե արդեն եղել եք այնտեղ, կարող եք կիսվել ձեր տպավորություններով և պատմել ձեր պատմությունը անգլիական այս գեղեցիկ քաղաքի մասին, քանի որ Բաթում կան բազմաթիվ հետաքրքիր վայրեր, որտեղ մենք չհասցրինք լինել։

1987թ Բաթը ընդգրկվել է ՅՈՒՆԵՍԿՕ-ի համաշխարհային ժառանգության ցուցակում։

Weekends.am-ի այցելությունը Բաթ ֆոտոշարքով։

 

 

 

 

 

 

 

 

 

 

No Comments Ճամփորդական օրագիր

Weekends.am-ը դասական ավտոմեքենաների ցուցահանդեսին Մեծ Բրիտանիայում

  Այս անգամ Weekends.am-ը այցելել է դասական ավտոմեքենաների ցուցահանդես, որը Մեծ Բրիտանիայում կրում է ամենամյա բնույթ։ Ամեն տարի մասնավոր անհատները, կոլեկցիոներները, երբ եղանակը թույլ է տալիս, հատկապես գարնանը կամ ամռանը կազմակերպում են դասական հին ավտոմեքենաների ցուցադրություն, որը տեղի է ունենում Բրիտանիայի տարբեր քաղաքներում։

Քանի որ բրիտանիացիները ինժեներական  տեխնոլոգիաների զարգացման հիմնադիրներից մեկն են համարվում՝ սկսած Վիկտորյա թագուհու ժամանակաշրջանից, նրանք հպարտությամբ  ներկայացնում  են իրենց մեքենաների հավաքածուները, ոչ միյան բրիտանական արտադրության, այլ նաև աշխարհի առաջադեմ  կազմակերպությունների։

Ցանկության դեպքում մեքենաները  տրամադրվում են նաև վարձույթով։

Weekends.am-ը ներկայացնող Minka-ն նույնպես հաճույքով մասնակցեց  այս ցուցահանդեսին։ Մանրամասները`  ֆոտոշարքում։

 

No Comments Ճամփորդական օրագիր

Թեյենք անգլիացիներին բնորոշ էլեգանտ ոճով․․․Afternoon Tea

Եթե եղել եք Անգլիայում, ուրեմն հաստատ լսած կլինեք Afternoon Tea-ի / կեսօրյա թեյի / մասին․․իսկ եթե ոչ, մենք կպատմենք ձեզ այդ մասին: Ինչ է անգլիական կեսօրյա թեյը․․․/Afternoon Tea/

Կեսօրյա թեյախմության ավանդույթը գալիս է դեռ վաղ 1840-ական թվականներից։ Այս ավանդույթին սկիզբ է  դրել Բեդֆորդի 7-րդ դքսուհի Աննան։ Նա սովորաբար ճաշկերույթներից առաջ, մինչ հյուրերը կհավաքվեին, իր համար   փոքրիկ ուտելիք էր պատվիրում, որը կոտրում էր նրա քաղցը մինչև ճաշկերույթը։  Այնուհետև դքսուհին ճաշկերույթից առաջ սկսեց  հրավիրել իր ընկերուհիներին, և նրանց մատուցվում էր կեսօրյա թեյը, մինչ տղամարդիկ կհավաքվեին։ Այսպես այս ավանդույթը տարածում գտավ  բարձրաստիճան կանանց շրջանում՝ որպես հատուկ արարողակարգ, այնուհետև ավելի լայն տարածում ստացավ հասարակության մեջ։

Afternoon Tea-ին իր մեջ ներառում է փոքրիկ սենդվիչներ, ավանդական անգլիական թխվածքներ և, իհարկե, թեյ։ Կեսօրյա թեյը մատուցվում է մինչև ժամը 5-ը ՝  քաղցը կոտրելու նպատակով։ Նաև այդ ընթացքում անգլիացիները ծանոթանում են օրվա նորություններին ՝ ընթերցելով թերթերը։

Այս ավանդույթը պահպանվել է մինչ օրս։ Անգամ Անգլիայի ռեստորաններում թեյախմության համար հատուկ ժամեր կան ՝ իրենց առանձին ճաշացանկով։

 Եթե լինեք Անգլիայում, դարձեք այս հետաքրքիր ավանդույթի մի մասնիկը  և թեյեք անգլիացիներին բնորոշ էլեգանտ ոճով․․․

 

Լուսանկարները weekends.am-ի կեսօրյա թեյախմությունից՝  Անգլիա․․․

 

 

No Comments Աշխարհի ուտեստներըՃամփորդական օրագիր
error: Նյութը ձեռք բերելու համար դիմեք հեղինակին