Վահանավանք միջնադարյան վանական համալիրը

Վահանավանք նաև Հովհաննավանք, միջնադարյան վանական համալիր, որը գտնվում է Սյունիքի մարզկենտրոն Կապան քաղաքից 7 կմ արևմուտք՝ Ողջի գետի աջ կողմում, Տիգրանասարի լանջին։ Weekends.am-ի Սյունիք այցելության ժամանակ չէինք կարող չայցելել  այս վայրը, որը գերում է իր վեհությամբ։

Վանական համալիրի առաջին կառույցը՝ Սուրբ Գրիգոր Լուսավորիչ եկեղեցին, կառուցվել է 911 թվականին՝ Տաթևի վանքի հանդիսավոր օծումից հինգ տարի անց։ Կառուցումը հովանավորել է Սյունիք նահանգի Բաղք գավառի իշխան Ձագիկի որդի Վահան Սյունին, ով եկեղեցուն նվիրաբերել է հսկայական կալվածքներ։

Ավելի ուշ՝ 11-րդ դարի երկրորդ կեսին, Վահանավանքի մոտ կատարվում են նոր կառուցումներ, մեծ եկեղեցուց 25 մետր հեռու կառուցվում է մի ավելի փոքր եկեղեցի՝ սուրբ Աստվածածինը։ Նրա արևելյան պատի ներսի կողմում, հիմքին մոտ գտնվող քարերից մեկի վրա պահպանվել է 1086 թվականին վերաբերվող մի արձանագրություն, որտեղ խոսվում է այդ եկեղեցու կառուցման մասին։

Վանքն ունեցել է շուրջ 100 միաբան, կից գործել է վանական դպրոցը, որի սաներից էր եղել եկեղեցու հիմնադիր Վահան Ա Սյունեցին։

Վահանավանքում են գտնվում Վահան իշխանի, Սահակ Սևադա Բ-ի, Սոփի թագուհու, Սյունիքի գահերեց իշխան Աշոտի, նրա թագակիր որդիներ Սմբատ Բ-ի և Գրիգոր Ա-ի, ինչպես նաև Սյունիքի թագավորության մնացած չորս թագավորների, Վաչագան իշխանի մայր Խաշուշի գերեզմանները։

Նշենք, որ վանքում մոմերը ոչ թե վաճառվում էին, այլ դրված էին, և յուրաքանչյուրը կարող էր մոտենալ, վերցնել և ցանկության դեպքում նվիրատվություն կատարել։

 

 

No Comments Աշխարհի շուրջՃամփորդական օրագիր

Weekends.am-ը Սորենտոյում․ տեսարժան վայրերը և ոչ միայն

Շքեղ հանգիստը նախընտրողների համար այս վայրը ուղղակի իդեալական է, Սորենտո՝ քաղաք Հարավային Իտալիայում՝ Նեապոլի ծավածոցի հարավային ափին:

Սորենտոյի տեսարժան վայրերը, բնակլիմայական հրաշալի պայմանները, շքեղ հյուրանոցները հրապուրում  են բազում զբոսաշրջիկների։

Խանութները զբոսաշրջիկներին առաջարկում են գեղեցիկ խեցեղեն, ժանյակե գործվածքներ, զարդատուփեր, հուշանվերներ:

Սորենտո կարելի է հեշտությամբ հասնել Նեապոլից և Պոմպեյից ավտոմեքենայով, նավով, գնացքով: Մեզ Նեապոլի օդանավակայանում դիմավորեցին մեր հյուրանոցի աշխատակիցները և մինի ավտոբուսով ժամանեցինք Սորենտո քաղաքի  կենտրոնին մոտ՝ օդանավակայանից մեկուկես ժամ հեռավորության վրա գտնվող, մեր 5 աստղանի հյուրանոցը, որը գտնվում էր հենց սարի գագաթին։

Սորենտոյից ոչ շատ հեռու գտնվում են Վեզուվ հրաբուխը, Կապրի կղզին, ուր կարելի է հասնել աշխուժորեն երթևեկող նավերով ու նավակներով: Կապրի կատարած մեր այցելությունը կպատմենք հաջորդ հոդվածում։

Բնակավայրի հովանավորն է սուրբ ճգնավոր և տեղի բենեդիկտյան վանքի վանահայր Անտոնիուսը (555 կամ 556—625 թթ.). նրա տոնը նշվում է յուրաքանչյուր տարի փետրվարի 14-ին:

Գիդի օգնությամբ ծանոթացանք տեղական ավանդույթներին, տեսարժան վայրերին, թե որտեղ և երբ կարելի  է այցելել, որ ռեստորաններից օգտվել, նաև զգուշացնում էին, թե որտեղ ավելի զգույշ լինենք։

Մի խոսքով, արդեն ճանապարհին լավ ինֆորմացիա ստացած՝ հասանք մեր շքեղ հյուրանոցը, որտեղ մեզ էր սպասում Piano բառը՝ պանառամա տեսարանով, դասական երաժշտությամբ, և բացառիկ գինիների տեսականու հավաքածուն․ ասեք որ գայթակղիչ է։ Մեզ հյուրասիրեցին կոկտեյլ և տվեցին համարի բանալիները։

Շատ հարմար հյուրանոց, բարեհամբույր անձնակազմ, գները միջինից բարձր, բայց գինը և որակը համապատասխան էին։ Սնունդը 2  անգամ, բայց ժամերը կարող էինք փոխել։ Ցանկության դեպքում 3 անգամյա սնունդ, բայց  այդ տարբերակը այդքան էլ հարմար  չէր, քանի որ գները շատ  թանկ էին, ուստի ավելի նախընտրելի էր օրական մեկ անգամ սնվել դրսում։

Այցելեցինք Սորենտոյի Արվեստի ինստիտուտ, որտեղ ընթանում  էր Սոֆի Լորենի լուսանկարների ցուցահանդեսը։ Ցուցադրված էին դերասանուհու անձնական կինոմոտոգրաֆիկ լուսանկարները, և ներկայացված էր նրա կյանքի անցած ուղու  պատմությունը։ Շատ տպավորված էինք ցուցահանդեսով, ցավոք, ներսում լուսանկարելը արգելվում էր․․․

ՈՒզում ենք անդրադառնալ Սորենտոյի փողոցներին, ամեն մեկը կարծես ֆիլմի մի հատված հիշեցներ, շատ գեղեցիկ, հետաքրիր, քայլում ես ու քեզ զգում ես ֆիլմի հերոսուհի, ով այս վայրից այն վայր է տեղափոխվում։

Քաղաքը շատ արևային է և բուրում է ցիտրուսով, ինչը պայմանավորված է նրանով,  որ այստեղ շատ են մանդարինի և կիտրոնի ծառերը։

Իտալական խոհանոց

Իտալական խոհանոցը իզուր չէ որ հայտնի է ամբողջ աշխարհում, այն ոչ միայն համեղ է, այլև շատ գեղեցիկ։ Այստեղ կարող եք հանգիստ համտեսել ձկնեղն, քանի որ այն միշտ թարմ է։ Անգլիացիները սիրում են կատակել, եթե ծովը չես տեսնում, ձուկ մի կեր, սա այդ դեպքը չէ։

Փորձեցինք նաև իսկական իտալական թոնրի պիցցա՝ իտալացի խոհարարի ձեռքով պատրաստված․․․շատ համեղ էր․․․

Երեկոյան Սորենտոն  նույնպես շատ գեղեցիկ և ռոմանտիկ է, հատկապես դուր եկավ սրճարաններից մեկը, ուր մինչ հասնելը պետք է անցնեինք  կենտրոնական հրապարակի փողոցներից մեկով, որը կամարաձև ձևովորում ուներ, կամարների տակով անցնելիս ինքնաբերաբար ուզում էիր երազանք պահել։ Իսկ արդեն սրճարանում  նկարիչը մոտենում և լուսանկարում էր սիրահարներին, շատ ռոմանտիկ էր, հատկապես երեկոյան լուսավորության ներքո։

Նաև նշենք, որ լինելով այստեղ՝ դուք պետք է վճարեք քաղաքի հարկ, և դա չի մտնում հյուրանոցի ծախսերի մեջ, էնպես որ գնալիս դա ևս հաշվի առեք։

Ի դեպ, քաղաքը, վաղուց ի վեր հայտնի լինելով իր մեղմ կլիմայով ու փարթամ բուսականությամբ, բնակեցվել է դեռևս վաղ քարե դարի ժամանակներից ( սկսած մեր թվականությունից շուրջ 50 հազար տարի առաջ):

 

Շարունակելի․․․․

 

 

No Comments Ճամփորդական օրագիր

Weekends.am-ը Արագած լեռան լանջին

Քարի լիճ, որը գտնվում է  Արագածոտնի մարզում, Արագած լեռան լանջին։ Բարձրությունը ծովի մակերևույթից 3207 մ է, հայելու մակերեսը 0,12 կմ²։ Բյուրականից Քարի լիճ երթևեկելի ճանապարհ կա, իսկ արևելյան ափին օդերևութաբանական կայան է տեղակայված, կազմակերպված է հանգստի գոտի։ Քարի լիճը առաջացել է սառցե գոյացություններից։

Լիճը երկարատև շրջապատված է լինում ձյունով, ինչի պատճառով ջուրը բավականին սառն է մնում։ Քարի լճի արևմտյան ափից սկիզբ է առնում Արքաշեն գետը։ Լճի հարավային ափին է գտնվում Երևանի ֆիզիկայի ինստիտուտի Առաջնային տիեզերական ճառագայթների գրանցման ու հետազոտման կայանը։

Կայանի ջրամատակարարումն ապահովելու նպատակով լճի հարավային արտահոսքը փակվել է բետոնե պատով, որի հետևանքով բարձրացել է լճի մակարդակը, ձմռանը չի սառցակալում մինչև հատակը, իսկ գարնանն ամբարված ջուրը բավարարում է կայանի կարիքները ողջ տարին։ Լճում Իշխան ձուկ կա, որի քանակը տարեցտարի լրացվում է արհեստական բազմացված մանրաձկով։

Այս weekend մենք մեր թիմով այցելեցինք լիճ, որը անչափ մաքուր էր և գերում էր իր գեղեցկությամբ, երկնքում պայծառ արև էր, բայց շուրջբոլորը ձյուն։ Ջուրը շատ գրավիչ էր, բայց մտնել և լողալ հնարավոր չէր, քանի որ սարսափելի ցուրտ էր։ Զբոսաշրջիկների պակաս այստեղ չէր զգացվում, շատ բազմամարդ էր․ չնայած ցրտին՝ մարդիկ իրենց ընտանիքներով գալիս էին և զբոսնում, երեխաները ձնագնդիկ էին խաղում․ բավականին հետաքրքիր էր․ հուլիս ամսին ձնագնդիկ․․․

Ինչ վերաբերում է ճանապարհին, բավականին նեղ և վտանգավոր ճանապարհ էր, եթե որոշեք գնալ միայն փորձառու և զգոն վարորդի հետ։

 

 

No Comments Աշխարհի շուրջՃամփորդական օրագիր

Հաջողություն Մալազիա․ նորից կհանդիպենք․․․

Կարծում ենք՝ դուք նույնպես սիրեցիք այս գույներով լեցուն և շատ գեղեցիկ վայրը։ Այսպիով, ավարտում ենք մեր այցելությունը Մալազիա, որտեղ հասցրինք ձեռք բերել լավ ընկերներ և անմոռանալի հիշողություններ։ Կուալա Լումպուրի տեսարժան վայրերին, Մալազիայի հետաքրքիր ուտեստներին և այն վայրերին, որտեղ մենք հասցրինք լինել, կարող եք ծանոթանալ՝ կարդալով մեր նախորդ հոդվածները՝ հետևելով հղումներին` Weekends.am-ի ճանապարհորդությունը Մալազիա, Weekends.am-ը Մալազիայում․․․Կուալա Լումպուրի տեսարժան վայրերը, Կուալա Լումպուրի տեսարժան վայրերը․ մաս 2, Batu Caves․weekends.am-ը Հնդկաստանի տարածքից դուրս գտնվող ամենամեծ հնդկական տաճարում:

Իսկ այժմ կարող եք դիտել տեսանյութը, որում մեր թիմի անդամ Քրիստինեն կիսվում է իր տպավորություններով և օգտակար խորհուրդներով։

 

 

 

No Comments Աշխարհի շուրջՃամփորդական օրագիր

Batu Caves․weekends.am-ը Հնդկաստանի տարածքից դուրս գտնվող ամենամեծ հնդկական տաճարում

Batu Caves – Հնդկաստանի տարածքից դուրս գտնվող ամենամեծ հնդկական տաճարն է համարվում։ Առաջին տպավորությունները, երբ աչքիդ առաջ այս տեսարանն է բացվում, ուղղակի աննկարագրելի են։

Աստծո հսկայական  արձան,  աղոթատեղեր, դեպի քարանձավ ուղեկցող մի քանի հարյուր աստիճան, բնություն, կանաչ, զբոսաշրջիկների և հավատացյալների մի ամբոխ։ Պատկերը մեզ,  համենայնդեպս, հետաքրքրեց։

Առաջինը, ինչ աչքդ տեսնում է, այո՛,այո՛, հնդկական Մուրուգանա պատերազմի Աստծո 43 մ բարձրությամբ արձանն է, այն էլ ինչ արձան, ոսկյա, այո՛, ճիշտ կարդացիք, ամբողջությամբ ոսկե։

Մենք էլ ենք զարմացած։ Այսպես, քարանձավը գտնվում է Կուալա Լումպուրի հյուսիսային մասում, ուր կարելի է հասնել մետրոյով կամ տաքսիով։ Քարանձավները “հայտնաբերվել” են 1878թ. մի խումբ հետազոտողների կողմից, այստեղ Երկրորդ համաշխարհային պատերազմի ժամանակ թաքնվում էին պարտիզան-կոմունիստները։ Ներկայումս քարանձավը սրբատեղի է համարվում, այստեղ հատկապես Տայպուս տոնին հավատացյալների հոսքը շատ է։

Բատու քարանձավները մեծ Տայպուսի փառատոնի ժամանակ աղոթքի կենտրոն են համարվում։ Յուրաքանչյուր հունվար կամ փետրվար ամսին (կախված լուսնի փուլից) հազարավոր հնդիկներ հավաքվում են՝ ապաշխարելու իրենց մեղքերը: Հավատացյալների մեջ կտեսնեք մարդկանց, ովքեր իրենց` լեզուն կամ այտերը պիրսինգով, սուր ասեղներով կամ կեռիներով ծակած կլինեն /ենթադրում ենք, որ դա մեղանչելու յուրահատուկ ձև է/:

Ոմանք նաև կրում են կավադիս (տարազ, որի դիզայնը ներառում է հավակնության փետուրները և աստվածների արձանները): Մյուսները ձեռքներին ունեն կաթնաշոռ, վարդագույն ջուր, կոկոսի կամ շաքարավազի հյութ: Բաթուի քարանձավների շուրջ տոնի ժամանակ շուրջ 500 հազար մարդ է հավաքվում:

Մի փոքր մանրամասն ուզում ենք ներկայացնել Մուրուգանա Աստծոն։ Երբ ուշադրությամբ նայում ես, արձանը սարսափեցնում է իր  խիստ նայվածքով․ թվում է՝ մի քանի վայրկյան, և 43 մ բարձրությամբ արձանը կկենդանանա և իր սրբազան նիզակը կխրի գետնի մեջ՝ պատժելով այն այցելուներին, ովքեր տաճար են  եկել <<կեղտոտ>> մտքերով։

Մեզանից շատերը գիտեն, լսել կամ կարդացել են Շիվա, Բռախմա, Պառվատի, Կրիշնա, Վիշնու աստվածների անունները։ Իսկ ո՞վ է Մուրուգանա Աստվածը։  Լեգենդներից մեկի համաձայն` Մուրուգանան (սանսկրիտի լեզվով Սկանդա) Շիվայի և Պարվատիի որդին է։ Նա ծնվել է, որպեսզի վերացնի Տառակու հրեշին, իսկ նման սխրանքներ կարող է անել միայն Շիվայի որդին։  Նա պատերազմներից պաշտպանող և հաղթանակ բերող է։

Միևնույն ժամանակ Մուրուգանան սիրո և տառապանքների Աստված է, ով իր դերն ունի յուրաքանչյուր անձի ճակատագրում։

Միայն պատկերացրեք, արձանի կառուցմանը ներգրավված են եղել շուրջ 30 մարդ, որոնցից 3 տարի է պահանջվել այն կառուցելու համար։ Այցելուների համար այն 2006թ.ին է բացվել։

Դեպի սրբատեղի ճանապարհը պետք է բարդ լինի։ Այո՛, դրան հավատում են հնդիկները։ Քարանձավ հասնելը կպահանջի հաղթահարել 272 փայտե աստիճան։ Թե ինչու հենց 272, մենք չհասկացանք, օրինակ՝  տրամաբանական կլիներ 108 աստիճան, չէ՞ որ 108 թիվը իրենց համար սրբազան թիվ է, հենց այդքան քայլ է կատարել Արևի Աստված Շիվան երկրից Երկինք հասնելու համար։

Եթե օգնեք միասին հասկանանք ինչո՞ւ հենց 272,  հրաշալի կլինի, չէ որ իրենք հենց այնպես 272 աստիճան չէին կառուցի։ Բարձրանալը, հատկապես ամռանը, այդքան էլ հեշտ չէ, իսկ եթե մի փոքր դանդաղել, ապա կապիկների <<զոհ>> կդառնաք, որոնք անհամբեր սպասում են, թե ինչ գողանալ և ուտել։

 

Ամենաընդարձակ քարանձավը անվանում են <<լուսավոր>>․ առաջին հերթին բավականին բնական լույս է թափանցում, որն էլ միստիկ և գողտրիկ միջավայր է ստեղծում։ Երկրորդ հերթին քարանձավի տարբեր մասերում տեղադրված են մի քանի ոչ մեծ հնդկական սրբատեղեր։

Որոշ սրբատեղերի համար մուտքը բաց է միայն հավատացյալների համար, չնեղանաք․ այլ երկրների կրոնական դավանանքը և  սովորույթները հարգել պետք է։

 

Օգտակար խորհուրդներ․․․

Մուտքն անվճար է։

Ինչպե՞ս հասնել – ներբեռնել grabe taxi հավելելածը, քարտեզի վրա նշել հասցեն։ Քաղաքի կենտրոնից մոտ 50 րոպեում կհասնեք տեղ, կամ կարող եք գնալ մետրոյով։

Չմոռանանք Ձեզ հետ վերցնել ջուր, հատկապես 272 աստիճան հաղթահարելուց հետո ջրի կարիք կզգաք։

Թանկարժեք իրեր ձեզ հետ չվերցնեք, զբոսաշրջիկներից հատկապես շատ են գողանում։

Կանանց և աղջիկների համար – ուսերը և ոտքերը փակ պետք է լինեն, եթե փակ չեն, հոգ չէ, նախքան բարձրանալը ձեզ կտան սավան փակելու բաց մասերը, որի համար կվճարեք 5 ռինգիտ, հետո, երբ սավանը վերադարձնեք, ձեզ 3 ռինգիտը հետ կտան։

Կարծում ենք՝ դուք նույնպես սիրեցիք այս գույներով լեցուն և շատ գեղեցիկ վայրը։ Այսպիով, ավարտում ենք մեր այցելությունը Մալազիա, որտեղ հասցրինք ձեռք բերել լավ ընկերներ և անմոռանալի հիշողություններ։ Կուալա Լումպուրի տեսարժան վայրերին, Մալազիայի հետաքրքիր ուտեստներին և այն վայրերին, որտեղ մենք հասցրինք լինել, կարող եք ծանոթանալ՝ կարդալով մեր նախորդ հոդվածները՝ հետևելով հղումներին` Weekends.am-ի ճանապարհորդությունը Մալազիա, Weekends.am-ը Մալազիայում․․․Կուալա Լումպուրի տեսարժան վայրերը, Կուալա Լումպուրի տեսարժան վայրերը․ մաս 2:

Իսկ մենք ամփոփում ենք այս այցը և սպասում Քրիստինեի վերադարձին Հայաստան։ Այո՛, Քրիստինեն փոքրիկ այցով վերադառանում է Հայաստան։ Հետաքրքիր է լինելու։

No Images found.

 

No Comments Աշխարհի շուրջՃամփորդական օրագիր

Կուալա Լումպուրի տեսարժան վայրերը․ մաս 2

Եվ այսպես շարունակում ենք պատմել Կուալա Լումպուրի տեսարժան վայրերի մասին՝ ներկայացնելով այն վայրերը որտեղ մեք հասցրել ենք լինել։ Մեր նախորդ հոդվածում պատմել ենք դրանցից մի քանիսի մասին, որոնց կարող եք ծանոթանալ հետևելով հղմանը, իսկ այս անգամ կպատմենք ևս մի քանի հետաքրքիր վայրերի մասին և  կխոսենք մալազիական խոհանոցի համեղ ուտեստների մասին։

 Դե ինչ, գնացինք։

 

 

Կուալա Լումպուրի բուսաբանական այգի, որը իր մեջ ընդգրկում է  նաև «Orchid» այգին և թռչունների այգին․սա իդելական վայր է բնության,  ծաղիկների սիրահարների համար, հսկայական տարածքով, ասես դրախտ լինի /դրախտում չեմ եղել, բայց կարծում եմ այս տեսքը կունենա)/։

 

Այգին  քաղաքին մոտ է, որպես փոխադրամիջոց կարող է ծառայել  հեծանիվը։ Եթե շատ հոգնած եք, կարող եք գնալ տաքսիով, որը կարժենա մոտ  14 ռինգիտ /մոտ 770 դրամ/։

Այգին շատ մաքուր է, եզակի թռչունների տարբեր տեսակներով։ Այգում կարող եք կտրվել կենտրոնի աղմուկից և  վայելել բնությունը, կանաչը․ այստեղ մի տեսակ խաղաղություն է տիրում։ Մի խոսքով, սա մի վայր է, որտեղ կարող եք գտնել ինքներդ ձեզ, ի մի բերել մտքերը, խորհել և հանգստանալ։

Նկատի ունեցեք, որ այգին բաց է մինչև 18․00 և կարելի է այգում  անցկացնել 2-3 ժամ։ Orchid այգու մուտքը անվճար է, իսկ  թռչունների այգու մուտքը՝ 65 ռինգիտ մեծերի /մոտ 3600 դրամ/,  45 ռինգիտ փոքրերի  համար /մոտ 2500 դրամ/։ Վստահեցնում ենք արժե այցելել։

 

Հաջորդը վայրը, որի մասին ուզում ենք պատմել Sri Mahamariamman Temple-ն է։ Տաճարը համարվում է հինդուական հին տաճար, որը 1873թ․ է կառուցվել, որից հետո վերակառուցվել է Հյուսիային Հնդկաստանի ոճին համապատասխան։

Տաճար մուտք գործելիս անպայման հարկավոր է կոշիկները հանել․ այդպես է ընդունված  բոլոր հնդկական տաճարներում, իսկ մուտքի արժեքն է 13 ռինգիտ /730 դրամ/։

Այս տաճարը ամենատպավորիչներից մեկն  է Կուալա Լումպուրում, նրա  բարձրությունը 22 մ է, դիմացի մասում պատկերված են հնդկական աստվածները։ Այցելուներին ներսում տալիս են  հասմիկից պատրաստված ծաղկեպսկաներ և բուրավետ խունկ։

 

Կուալա Լումպուրի ակվարիումը

 

Եթե ջրային կենդանիների սիրահար եք, ուրեմն առաջ, գնացինք տեսնելու ջրային աշխարհի ներկայացուցիչներին, օրինակ շնաձուկ տեսնել ուզո՞ւմ եք, դե՛ համեցեք․․․

 

Մուտքի արժեքն է 43 ռ․/2300դրամ/, կարող եք պատվիրել նաև առցանց։ 

Այժմ մի փոքր պատմենք կերակուրների մասին։

 

Մալազիան ձեզ առաջարկում է մալազիական, հնդկական, չինական խոհանոցի բազմազան ուտեստներ։ Մենք կխոսենք մեր փորձած կերակուրների մասին։

 

Մալազիական խոհանոց․․․

 

Կուալա Լումպուրը ձեզ կզարմացնի իր հայտնի կերակուրներից  Nazi Lemak-ով, բրինձ, որը եփված է կոկոսի կաթի մեջ, մատուցվում է եփած ձվի, անչոուսի, վարունգի և տապակասծ գետնանուշի հետ: Այս ուտեստը ձեզ վրա կարժենա մոտ 15 ռինգիտ, բայց փորձելը պարտադիր է):

 

Nazi goring-բրինձ, միս, սոուս, ծովախեցգետին, ձու և բանջարեղեն․ արժե՝ 18 ռին․և համային անզուգական տպավորությունները ապահովված են։

 Nasi նշանակում է բրինձ, այն առկա է մալազիական գրեթե բոլոր կերակուրներում։

 

Չինական խոհանոց

 

Երբ լինեք Կուալա Լումպուրում խրհուրդ կտանք այցելել Prcious Old China  ռեստորան 

 

 

Pie Tee-600 դրամ

Nyona laksa,-700 դրամ

Beer rendong-880 դրամ

Հյութ ձեր ցանկությամբ  500-600 դրամ։

 

Հնդկական խոհանոցը նույնպես շատ համեղ է՝ յուրօրինակ համեմունքներով, կծու քաղցր, մի խքոսով նյամ-նյամ, և գիտեք շատ մատչելի է՝ մոտ 1000-1200 դրամ, բայց չափաբաժինը այնքան մեծ է, որ  նույիսկ կարելի է 2 հոգով ուտել։

 

 

Մեր հաջորդ հոդվածում կշարունակենք ներկայացնել մեր թիմի անդամ Քրիստինեի ճանապարհորդությունը Մալազիա, էնպես որ հետևեք մեզ։

Շարունակելի․․․

 

 

 

No Comments Աշխարհի շուրջՃամփորդական օրագիր

Weekends.am-ը Մալազիայում․․․Կուալա Լումպուրի տեսարժան վայրերը

    Եվ այսպես՝ weekends.am-ը Մալազիայում․․․մի երկիր, որը մեզ շատ դուր եկավ, և համոզված ենք, որ դուք էլ կսիրեք։

Մի քանի նախադասությամբ ներկայացնենք, թե ինչպիսի երկիր է Մալազիան: Մալազիա – պետություն հարավարևելյան Ասիայում։ Եղել է բրիտանական գաղութ և միայն 1957թ օգոստոսին է անկախացել։ Տարածքը մոտ 329 000 քմ է, մոտավորապես նույնքան տարածք զբաղեցնում է նաև Թաիլանդը։ Կլիման տաք և խոնավ է, բնակչության թվաքանակը՝ մոտ 32 մլն, Կուալա Լումպուրինը` մոտ 2 մլն։ Հիմնական լեզուն մալազերենն է, թեպետ մեծամասնությունը անգլերեն է խոսում։ Կրոնը` իսլամ։ Չնայած բնակչության մեծամասնությունը դավանում է իսլամ, բայց ազատ կարելի է դավանել այլ կրոն` բուդդիզմ, հինդուիզմ, քրիստոնեություն։ Մալազիայում, ի տարբերություն արաբական երկրների, պատժամիջոցները այդքան էլ խիստ չեն։

 

Այժմ Մալազիան իր տարածաշրջանում համարվում է տնտեսապես զարգացած և հաջողակ երկիր ու զբաղեցնում է երկրորդ տեղը Սինգապուրից հետո։ Տուրիզմը դինամիկ զարգանում է` առաջարկելով ծովափնյա հանգիստ, բազմաթիվ մշակութային և տեսարժան վայրեր, բնություն և էկզոտիկա։

Այս հոդվածում քայլ առ քայլ կպատմենք մեր ճամփորդության մանրամասները՝ սկսած գներից, հյուրանոցից, սննդից և ծախսերից։ Կարծում ենք՝ շատ հագեցած հոդված է և օգտակար կլինի ձեզ համար, եթե որոշեք այցելել Մալազիա։

 ՀՀ քաղաքացիների համար Մալազիան այն երկրների շարքից է, ուր կարելի է գնալ առանց վիզա։ Հարկավոր կլինի միայն ՀՀ-ից ելքի թույլտվություն ունենալ և վերջ։

Այս կամ այլ երկիր մեկնելիս յուրաքանչյուր մարդ նախևառաջ իր համար պետք է  մշակի քայլերի հերթականություն, մենք առաջարկում ենք մեր քայլերի հերթականությունը, որին կարող եք հետևել և դուք, եթե չունեք ձեր սեփականը։

Քայլ 1․ ավիատոմսի ամրագրում նախապես, 2․հստակ սահմանված  գումար այդ երկրում ծախսելու համար, որոշակի գումար էլ նախատեսեք չնախատեսված ծախսերի համար 3․նախապես հյուրանոցի ամրագրում, որը ցանկալի է վճարել նախօրոք, որպեսզի գումարի հետ խնդիրներ չծագեն հետագայում։ Այս ամենը հեշտությամբ հնարավոր է կազմակերպել առցանց, քանի որ այսօր ժամանակակից տեխնոլոգիաները ստեղծել են բոլոր պայմանները մեր ժամանակը խնայելու համար։

Ինչ վերաբերում է կոնկրետ Մալազիային, եթե գնալու եք առանց փոքրիկ երեխաների, Ռուսաստանից կամ Վրաստանից կարող եք մեկնել ավելի մատչելի տարբերակով։ Երբ արդեն ժամանեք այստեղ, մի՛ շտապեք օդանավակայանում ամբողջ գումարը փոխանակել տեղի արժույթով, քանի որ քաղաքում ամեն քայլափոխի կհանդիպեք արժույթի փոխանակման կետերի՝ ավելի հարմար տարբերակով: Օդանավակայանում կարող եք փոխանակել մի սիմվոլիկ գումար՝ տաքսիով  կամ ավտոբուսով ձեր հյուրանոց հասնելու համար և վերջ։ Ավտոբուսով գնալը, իհարկե, ավելի բյուջետային կլինի, բայց   հարմար է նրանց համար, ում    ուղեբեռը փոքր է։ Օդանավակայանից մինչև մայրաքաղաքի կենտրոն հասնելը ավտոբուսով կտևի 40-45 րոպե, և կվճարեք ընդամենը 12 ռինգիտ /ringgit/, մոտ  660 դրամ։

Ինչ վերաբերում է հյուրանոցին, մենք ամրագրել էինք միջին՝ 4 աստղանի հյուրանոց քաղաքի կենտրոնում, նախաճաշը մեջը․ բավականին լավ և հարմարավետ համարներ, համեղ սնունդ և ընդամենը 54 000 դրամ 5 օրվա համար մեկ անձի համար:

 

Բարեհաջող հասաք, տեղավորվեցիք, դե շատ լավ է, իսկ հիմա անցնենք տեսարժան վայրերին։

 

Կուալա Լումպուր՝ Մալազիայի մայրաքաղաք, որտեղ  մշտապես տաք է, այս քաղաքը չգիտի` ինչ է ձմեռը, ցուրտը․ 365 օր տաք է, դե ջերմաստիճանն էլ միջինում +25-28 °C, կարող է բարձրանալ նաև մինչև +36°C, հաճախ նաև +40°C։

Կուալա Լումպուրը համարվում է Ասիայի ամենականաչ մայրաքաղաքը, կանաչը ոչ միայն չեն վերացնում, այլ ընդհակառակը, շենքերն ու շինությունները կառուցվում եմ` չվնասելով կանաչը։

 

Petronas Twin TowersԿուալա Լումպուրի  ամենահայտնի վայրն է համարվում և կարծես թե հենց քաղաքի այցեքարտն է՝ 88 հարկանի երկնաքեր 451 մ բարձրությամբ․ ամենաբարձր երկվորյակ շենքներն են։

 Շենքը կառուցվել է 1992-1998թթ-ի ընթացքում /շինարարությունը տևել է  մոտ 6 տարի/։ Զբոսաշրջիկները գալիս են՝ այս կառույցը տեսնելու, նկարվելու, բարձրանալու այս շենքերը իրար կապող կամուրջը, որը գտնվում է  42-րդ հարկում՝ 170 մ բարձրության վրա, որտեղից էլ արդեն կարելի է զմայլվել քաղաքի ողջ  գեղեցկությամբ։

Հետաքրքիր է, որ ի սկզբանե այս կամուրջը նախատեսված չի եղել զբոսաշրջիկների համար, այլ եղել է անվտանգության ապահովման համար։ Petronas–ի դիմաց են գտնվում  երգող շատրվանները, որոնք երեկոյան ավելի գեղեցիկ տեսարան են ապահովում։

Ի դեպ, ավելացնենք, որ կարելի է բարձրանալ Petronas-ի 42-րդ հարկ ամեն օր ժամը  9․ 00-ից -21․ 00-ը, բացի երկուշաբթիից, իսկ ուրբաթ օրը ՝ 13․ 00- 14․ 30 մուտքը  փակ է, արժե 85 ռինգգիտ։

 Հաջորդ վայրը, որի մասին ուզում ենք պատմել Կյանքի գետն  է /River of Life/։ Հենց այս գետի և Պետրոնասի համար են բազմաթիվ զբոսաշրջիկներ այցելում Կուալա Լումպուր։

Տեղացիները այս գետը համարում են կյանքի գետ, նրանց  համար այն սուրբ գետ է, այդպես էլ  չիմացանք, թե ինչու․․․մեզ համար կարծես թե սովորական գետ էր։

 Պատմենք Կուալա Լումպուրի հրապարակի /Dataran Merdeka/ , Sultan Abdul Samad Building-ի մասին:

Հրապարակից  սկսվում է Կուալա Լումպուրի ողջ պատմությունը։ Այս տարածքը գտնվում էր բրիտանացիների տիրապետության տակ, և միայն 1957 թ․ օգոստոսին  պատմության մեջ առաջին անգամ այստեղ  բարձրացվեց  Մալազիայի դրոշը։

Հրապարակը այժմ հանրահայտ վայր է, որտեղ անց են կացվում բացօթյա համերգներ, սպորտային միջոցառումներ, կրիկետի մրցաշարեր /սպորտային խաղ է, որը, ի դեպ, բրիտանացիները հենց այս տարածքում են խաղացել նախկինում/ և այլն։

 Հրապարակի ձախ մասում գտնվում է մյուս տեսարժան վայրը` Sultan Abdul Samad Building-ը, որը կառուցվել է 1897թ․, բրիտանացի ճարտարապետի կողմից, այս կառույցը արտացոլում է հենց  Մալազիայի մշակութային առաձնահատկությունները։ Կառույցի վերևի հատվածում ժամացույց կա, որն էլ տեղացիները հաճախ անվանում են Big Ben/ զգացվում են գաղութ լինելու հատևանքները/։

 

Այս 40մ բարձրությամբ  կառույցը 20-րդ դարի 2-րդ կեսի ամենաբարձր աղյուսե կառույցներից մեկն  էր համարվում։ Ներկայումս այս կառույցը Մշակույթի և տուրիզմի նախարարությանն է պատկանում։

 

Դե ինչ, ասեք, որ գեղեցիկ քաղաք է, հետևեք մեր հրապարակումներին, մեր հաջորդ հոդվածում կշարունակենք ներկայացնել Կուալա Լումպուրը՝ իր տեսարժան վայրերով և համեղ ուտեստներով։

Շարունակելի․․․

 

No Comments Աշխարհի շուրջՃամփորդական օրագիր

Weekends.am-ի ճանապարհորդությունը Մալազիա

Եվ այսպես, սիրելի ընթերցողներ, մենք սկսում ենք ներկայացնել  մեր թիմի անդամ Քրիստինեի ճանապարհորդությունը Մալազիա։  Նշենք, որ հանդես ենք գալու մի քանի հոդվածով՝ առանձին խոսելով այն վայրերի մասին, որտեղ մենք հասցրինք լինել և պատմելու ենք մալազիական խոհանոցի առաձնահատկությունների մասին․ էնպես որ հետևեք մեր հրապարակումներին։ Իսկ մինչ այդ առաջարկում ենք դիտել այս տեսանյութը և մի փոքր պատկերացում կազմել Մալազիայի մասին։

 

 

 

 

 

No Comments Աշխարհի շուրջՃամփորդական օրագիր

Weekends.am-ի ճամփորդությունը Բաթ

Weekends.am-ի ճամփորդական օրագրի այս հոդվածում ձեզ ենք ներկայացնում մեր ճամփորդությունը անգլիական Բաթ քաղաք, որը գտնվում է Անգլիայի հարավարևելյան մասում՝  Էյվոն գետի ափին։

Բազմաթիվ  պատմական և ճարտարապետական հուշարձանները, լավ կլիման, գեղեցիկ բնապատկերները, յուրահատուկ մշակույթը, տաք հանքային ջրերը, որոնցով հայտնի է քաղաքը, տարեկան գրավում են 5 միլիոն զբոսաշրջիկների ուշադրությունը։

Բաթում այցելեցինք  Հռոմեական բաղնիքների թանգարան։ Բառացիորեն անգլերենից Բաթը թարգմանվում է բաղնիք։ Հռոմեական բաղնիքների թանգարանը համալիր է՝ բաղկացած տաճարից, առողջության սուրբ աղբյուրից, հռոմեական թերմերից և անտիկ ժամանակների հնագիտական գտածոներին նվիրված  թանգարանից:

 

 

Այցելությունը այս թանգարան ձեզ ընդհանուր պատկերացում կտա այս հինավուրց քաղաքի մասին։  Թանգարանի ադմինիստրացիան արել է ամեն բան տեղեկությունը ավելի մատչելի միջոցներով այցելուներին փոխանցելու համար։ Այստեղ աուդիո սարքավորումների միջոցով,  եթե նույնիսկ անգլերեն չգիտեք՝  ըստ ձեր իմացած լեզվի, կարող եք ծանոթանալ նմուշների պատմությանը, իսկ  ցուցադրվող տեսահոլովակները ավելի տպավորիչ կդարձնեն ձեր այցելությունը։

 Թանգարանում  շրջում են  դարբիններ, ուլունքեր վաճառողներ․․․

Հերթերից խուսափելու համար  ցանկալի է այստեղ գալ վաղ առավոտյան՝  նախօրոք ճշտելով աշխատանքային ժամերը։ Հատկապես ամռանը այցելուները այստեղ շատ-շատ են լինում։

Թանգարանից հետո կարող եք հանգստանալ ռեստորան-սրճարաններում  և վայելեք Բաթի գեղեցիկ տեսարանները, եթե, իհարկե,  անգլիական եղանակը թույլ տա։

 Բաթի ճանաչված տեղերից  է Thermae Bath Spa-ն /սպա,  հանքային ջրերի կենտրոն/, որը կառուցված է ավելի նոր ժամանակներում։

 Այստեղ կարող եք օգտվել տարբեր սպա ծառայություններից և ավարտել ձեր հանգիստը տանիքի տաք լողավազանում, որը շրջապատաված է գոթական ոճի կառույցներով։ Այստեղ ձեզ կզգաք ասես երկնքում։

    Բաթի կենտրոնում կան բազմաթիվ գոթական ոճով կառույցներ, գեղեցիկ զբոսանքի վայրեր, այնպես որ ժամանակ հատկացրեք և ուղղակի քայլեք Բաթի փողոցներվ՝  վայելելով այդ գեղեցկությունը։

Սպայից հետո կարող եք գնալ The Pump Room Bath թեյարան և վայելել անգլիական  Afternoon Tea-ն։

Լինել Բաթում և չտեսնել Փալթնի / Pulteney/ կամուրջը, իհարկե, ո՛չ ։

Կամուրջը եզակի է նրանով, որ կառուցապատված է երկու կողմից։ Յուրաքանչյուր կողմից խանութների և առևտրի կետերի շինություններն են։ Կամուրջը կառուցվել է բաթի քարով 1769-1773 թվականներին Ռոբերտ Ադամի նախագծով։ Կառույցը անվանվել է Բաթից կամրջով անջատված Բասուիք գյուղի տեր սըր Ուիլիամ Փալթնիի կնոջ պատվին։

 Ֆինանսական տեսակետից բյուջետային քաղաք չէ, բայց արժե ասյտեղ անցկացրած յուրաքանչյուր րոպեն։ Եթե լինենք Անգլիայում, ամենաքիչը երկու օր տրամադրեք  Բաթ քաղաք այցելությանը՝  այս գեղեցկությունը սեփական աչքերով տեսնելու համար, իսկ եթե արդեն եղել եք այնտեղ, կարող եք կիսվել ձեր տպավորություններով և պատմել ձեր պատմությունը անգլիական այս գեղեցիկ քաղաքի մասին, քանի որ Բաթում կան բազմաթիվ հետաքրքիր վայրեր, որտեղ մենք չհասցրինք լինել։

1987թ Բաթը ընդգրկվել է ՅՈՒՆԵՍԿՕ-ի համաշխարհային ժառանգության ցուցակում։

Weekends.am-ի այցելությունը Բաթ ֆոտոշարքով։

 

 

 

 

 

 

 

 

 

 

No Comments Ճամփորդական օրագիր

Weekends.am-ի այցելությունը Yuantong Ancient Town

Yuantong Ancient Town-ը գտնվում է Չենգդու քաղաքից 40 կմ դեպի արևմուտք։ Այն փոքրիկ քաղաք է, որը կարելի է 30 րոպեում ծայրից ծայր քայլել։ Քաղաքի առաջին բնակիչները  այստեղ տեղակայվել են ավելի քան 1500 տարի առաջ։

Ցին դինաստիայի օրոք քաղաքը հայտնի էր որպես արդյունաբերական քաղաք։ Այն շատ նման է Չինաստանի մյուս հին քաղաքներին՝ իր հին տներով, հին ծառերով և փողոցներով, բայց այստեղ կա նաև հին կաթոլիկ եկեղեցի, որը կառուցվել է ֆրանսիացի քարոզիչների կոցմից 19-րդ դարում և կանգուն է մինչ օրս։

Այս հին քաղաքը  լավ պահպանվել է և այսօր արդեն հետաքրքրություն է առաջացնում զբոսաշրջիկների մոտ։

Weekends.am-ը ներկայացնող Քրիստինեն զբոսնեց քաղաքում, փորձեց զրուցել տեղացիների հետ, փորձերը անհաջող էին, քանի որ Չինաստանում անգլերեն ոչ ոք գրեթե չի խոսում և չի հասկանում․․․ինչևէ․․․ այցը  Yuantong Ancient Town ինքնին շատ հետաքրքիր էր, ինչում կարող եք համոզվել ինքներդ՝ դիտելով այս ֆոտոշարքը։

 

 

No Comments Աշխարհի շուրջՃամփորդական օրագիր
error: Նյութը ձեռք բերելու համար դիմեք հեղինակին