Նորաձևության բլոգերը՝ հանգսի ժամանակ գեղեցիկ և նորաձև լինելու մասին

Weekends.am զրուցակիցն է նորաձևության բլոգեր Մարիաննա Քաբաբյանը, ում հետ զրուցել ենք հանգսի ժամանակ գեղեցիկ և նորաձև լինելու,  գեղեցիկը հարմարավետության հետ համադրելու մասին։ Հարցազրույցը ներկայացնում ենք ստորև։

 

Սիրո՞ւմ եք ճանապարհորդել։

 Ճանապարհորդելը, ըստ իս, օդի ու ջրի պես անհրաժեշտ է յուրաքանչյուր մարդու, և ես էլ բացառություն չեմ։ Ասել, որ ես սիրում եմ ճանապարհորդել, կնշանակի ոչինչ չասել, շա՜տ եմ սիրում ճանապարհորդել։

 

Ո՞րն է այն վայրը, ուր այցելությունը Ձեր կյանքում ինչ-որ բան փոխեց։

 Առաջին անգամ 2009-ին այցելեցի Եվրոպա՝ սկզբում Լեհաստան, որտեղ սովորում էի Վարշավայի պետական համալսարանի ամառային դպրոցում, այնուհետև Ֆրանսիա և Բելգիա․․․ Այս ճանապարհորդությունը փոխեց կյանքս հիմնովին, հենց այս այցելություններից հետո հստակ որոշեցի դառնալ բլոգեր և գրել նորաձևության մասին։

 

Ինչպե՞ս հանգստի ժամանակ համադրել նորաձևությունը և հարմարավետությունը։

 Իրականում, ժամանակակից նորաձևությունը արել է ամեն բան, որ մենք մեզ հարամարավետ զգանք թե՛ աշխատավայրում, թե՛ հանգստի գնալիս։ Սպորտային կոշիկներ, երկար օվերսայզ զգեստներ, ահա այս եկրու էլեմենտները կդարձնեն ձեր լուքը հարմարավետ և ոճային։

 

Ինչպե՞ս ճիշտ շպարվել ծովափնյա հանգստի ժամանակ։

 Կարծում եմ, շատերը սպասելու են, որ ասեմ՝ մի շպարվեք, բայց ամեն ինչ այդքան հեշտ չէ․շատ հաճախ արևի ուղիղ ճառագայթներից մեզ օգնում է պաշտպանվել հենց տոնային քսուկը։ Ավելացրեք այտոսկրերին մի փոքր բրոնզեր և վերջ, դուք գեղեցիկ եք, իսկ մաշկը՝ պաշտպանված։

 

 Ի՞նչ կրել օդանավակայան գնալիս, որպեսզի լինի և՛ հարմար, և՛ գեղեցիկ։

 Նայած՝ որքան երկար է լինելու թռիչքը և՝ ուր եք գնում։ Իմ սիրելի տարբերակն է սպորտային տաբատն ու սպիտակ շապիկը, համադրած սպորտային կոշիկներով։

 

Ի՞նչ պետք է լինի կնոջ /աղջկա/ ճամպրուկի մեջ ցանկացած ճանապարհորդության գնալիս։

 Բազային հագուստ, մինիմալ կոսմետիկ պարագաներ, 2-3 տեսակ կոշիկ, 1  երեկոյան լուք, երբեք չգիտես, որ պահին կսկսվի կյանքիդ հեքիաթը 😉

 

 Ի՞նչ վերցնել հագուստից, որ հնարավոր լինի կրել  տարբեր կերպ՝ ճամպրուկում տեղ խնայելու համար։

 Բազային հագուստը միշտ սիրում եմ համադրել տեղում գնած աքսեսուարների հետ, ինչի հետևանքով գնում եմ մեկ ճամպրուկով, վերադառնում՝ երկուսով։

 

Հնարավո՞ր է հանգիստ երեխաների հետ։

 Ոոոոոոչ 😀 😀 😀

 

 Ո՞րն է Հայաստանում Ձեր ամենասիրելի վայրը։

 Ամոթ է ասել, բայց Հայաստանում շատ քիչ տեղեր եմ հանգստացել։ Մանկուց ամենասիրելին է Ջերմուկը, այնտեղ շատ ենք եղել ընտանիքով, այն ինձ փոքրիկ եվրոպական քաղաք է հիշեցնում։

 

 Ի՞նչը Ձեզ կստիպի տեղափոխվել այլ երկիր։

 Ստիպելու կարիք չի լինի, ես իմ էությամբ կոսմոպոլիտ եմ, միայն ասեք, և ես կմեկնեմ նույն օրը։

 

Ո՞ր երկրի խոհանոցն եք նախընտրում։

 Իտալական և վրացական։

 

 Համամի՞տ եք, որ հայ տղամարդիկ ամենալավն են։

 Միանշանակ։

 

Ո՞րն է այն երկիրը, ուր կցանկանայիք նորից գնալ և խոստանում եք, երբ գնաք կպատմեք այդ մասին weekends.am-ի  «Իմ օրագիրը» բաժնում։

 Երբ մյուս անգամ մեկնեմ Փարիզ, խոստանում եմ մանրամասն ներկայացնել Ձեր ընթերցողներին իմ սիրած վայրերը։

 

Հարցազրույցը վարեց Արփինե Մաթևոսյանը

 

 

No Comments Հետաքրքիր

Weekends.am-ը Ծաղկազարդին այցելեց Գետարգել

Ծաղկազարդ․ գարնանային բացօթյա տոնախմբությունների սկիզբն ազդարարող եկեղեցական և ժողովրդական տոն։ Weekends.am-ը Ծաղկազարդին այցելեց Ձագավանք, որը գտնվում է   Գետարգել գյուղից հարավ՝ փոքր բլրի լանջին։ Վանքը հայտնի է նաև Գետարգելի Սուրբ Նշան անվամբ։

Համաձայն լեգենդի՝ արաբ զավթիչները ցանկացել են թալանել Առինջ գյուղը և սպանել բնակիչներին։ Իմանալով այդ մասին` գյուղացիները թաքնվել են վանքում` ապավինելով Աստծո ողորմությանը։ Երբ զավթիչները մոտեցել են վանքին, հրաշք է կատարվել․ երկայնքով հոսող գետն անսպասելի դուրս է եկել ափերից` խորտակելով թշնամու զորքը։ Այդ լեգենդն էլ հենց բացատրում է Գետարգել անվանումը։

Վանական համալիրը կազմված է եկեղեցուց, զանգակատնից, պարսպից, բնակելի խցերից և այլ նշանակության շինությունների ավերակներից։ Ձագավանքը վերականգնեցված է․ ներկայումս վանքը ունի նորակառույց եկեղեցու տեսք։

Ի տարբերություն եկեղեցու՝ զանգակատունը մասնակի է ավերվել։ Պատերը կառուցած են սրբատաշ քարերից։ Առկա են արձանագրություններ և խաչաքանդակներ։

Վերականգման ժամանակ որոշ չափով ձևափոխվել է զանգակատունը. այն դարձել է գմբեթավոր։ Զանգակատան հարավային կողմում գտնվում է Սուրբ Նշան եկեղեցու ավերված գմբեթի մի հատվածը, որի շուրջը տեղացիները դասավորել են մի քանի խաչքարեր։ Զանգակատունը ներսից գրեթե ամբողջությամբ պահպանվել է։

Վանքի համալիրի տարածքում վերականգնումից հետո ստեղծվել է հատուկ «բակ» խաչքարերի համար։ Այնտեղի պատերին հենված իրար կողք կողքի շարված են խաչքարերի բեկորներ, ինչպես նաև հին վանքի ավերակներից պահպանված արձանագիր քարեր։

Բակում է գտնվում նաև փոքրիկ փոսը, որտեղ մարդիկ մանրադրամ են նետում և ցանկություն պահում։

Ամեն տարի Զատիկին հաջորդող կիրակին «վանքի ուխտի օրն» է։

Վանական համալիրում շրջելուց հետո այցելեցինք   Գետարգել գյուղ, զրուցեցինք տեղացիների հետ, ովքեր մեծ ոգևորությամբ պատմում էին վանքի մասին  պահպանված լեգենդները։

Գյուղը մեզ անչափ դուր եկավ իր հանգստությամբ և  բնակիչների սրտաբաց ընդունելությամբ։ Ի դեպ, ինչպես նշեցին տեղացիները, այդտեղ ի սկզբանե, բոլոր  տները կառուցված են եղել միայն բնական հումքից, ինչը, ցավոք, չի պահպանվել մինչ այսօր։

No Comments Հետաքրքիր

Նիդեռլանդների Վենետիկը․ Գիտխոր

Նիդեռլանդների Գիտխորն գյուղը իդեալական վայր է բոլոր նրանց համար, ովքեր երազում են խաղաղ կյանքի մասին՝ հեռու աղմուկից: Այս  գյուղը չունի ճանապարհներ, միակ մուտքը ջրի միջոցով է, բազմաթիվ գեղեցիկ ջրանցքների վրայով կամ ոտքով՝ օգտագործելով փայտե կամարաձև կամուրջները:

Այս գյուղը մեծ սեր է վայելում զբոսաշրջիկների շրջանում և հայտնի է դարձել 1958թ., երբ հայտնվեց հոլանդացի ռեժիսոր Բերթ Հաանստրայի «Ֆանֆարե» ֆիլմում:

Գյուղը գտնվում է Օվերեյսել երկրամասում և  հայտնաբերվել է 1230թ. մի խումբ փախստականների կողմից։

Այստեղ  կան 4 մղոնանոց ջրանցքներ և ծղոտե տանիքներով ագարակներ, որոնք թվագրվում են 18-րդ դարին:

Այս փոքրիկ գյուղը ստացել է Նիդեռլանդների Վենետիկ անվանումը և տարեկան գրավում է բազմաթիվ  զբոսաշրջիկների ուշադրությունը։

No Comments Հետաքրքիր

ժայռից կախված հյուրանոց. տեսանյութ

Աշխարհի ամենախելահեղ հյուրանոցը  գտնվում է Պերուում, և այն  կախված է ժայռից: Այս խենթ հյուրանոցը  սուր զգացողությունների  սիրահարների համար  է:

 Այն իրենից ներկայացնում է ոչ մեծ թափանցիկ տարածք, որտեղից անմոռանալի տեսարան է բացվում։

Ամբողջ հյուրանոցը ունի 3 շքեղ լյուքս-համարներ՝ նախատեսված 8 հոգու համար:

Անոթները պատրաստված են աէրոկոսմիկ ալյումինից և պոլիկարբոնատից, որոնք թույլ են տալիս հյուրանոցին դիմակայել բոլոր եղանակներին:

Իսկ դուք պատրաստ եք քնել ապակյա անոթում, որը գտնվում է 300 մ բարձրության վրա:

Սյս ինքնատիպ հյուրանոցում 1 գիշերն արժե 200 եվրո։

No Comments Հետաքրքիր

Վիկտորիա ջրվեժը իր գեղեցկությամբ

Զամբեզի գետի վրա է գտնվում  Աֆրիկա մայրցամաքի ամենագեղատեսիլ ու հրաշագեղ տեսարաններից մեկը՝ Վիկտորիա ջրվեժը, որի լայնությունը 1800 մ է, բարձրությունը՝ 120 մ։ Ջրվեժի աղմուկը լսվում է տասնյակ կիլոմետրերի վրա, այն առաջացնում է ջրափոշու հսկայական սյուներ։ Գահավիժելով նեղ կիրճը՝ Զամբեզի գետն  իր ճանապարհը հարթում է ժայռերի միջով։ 1855 թ-ին ջրվեժը հայտնագործել և Անգլիայի Վիկտորիա թագուհու անունով է կոչել անգլիացի ճանապարհորդ Դեյվիդ Լիվինգստոնը։

Տեղացիներն այդ ջրվեժն անվանում են Մոսի օա Տունյա՝ «Շառաչող ծուխ»։

Զբոսաշրջիկները հատկապես շատ են գարնանը, երբ գետի բարձրության մակարդակը հասնում է առավելագույնի. ամեն վայրկան 5 մլն լիտր ջուր է թափվում 100 մետր ներքև , իսկ ջրվեժից 30 կմ հեռավորության վրա հնարավոր է տեսնել ջրի վրա բարձրացող ամպերի գոլորշիները:

Ջրվեժի խորքում գտնվող բազմաթիվ կղզիներ ջրի հոսանքը բաժանում են մի քանի ճյուղերի: Ջրվեժը և իր շրջակայքն այնքան ընդարձակ են, որ դժվար է մեկ հայացքով ընկալել դրանց իրական մեծությունը:

Ջրվեժը պատկանում է ՅՈՒՆԵՍԿՈ-ի համաշխարհային ժառանգությանը:

No Comments Աշխարհի շուրջՀետաքրքիր

«Առյուծների քաղաք»-ը ստորջրյա գերեզմանում

Ավելի քան կես դար առաջ հնագույն Շիչեն քաղաքը, որը գտնվում է Չժեցզյան մարզում, թվում էր անհետ կորած: Բայց դա ամենևին էլ այդպես չէ: Իրականում այն հովիտը, որտեղ գտնվում էր Շիչենը, վերածել են Ցինդաո արհեստական ջրամբարի` նոր հիդրոէլեկտրակայանի կառուցման նպատակով:

 Դրա համար իշխանությունները ստիպված էին տարաբնակեցնել  290 000 մարդու, որոնց ընտանիքները դարերով բնակվում էին այդ տարածքներում: Դրանից հետո կառուցվեց թումբ,  և ջրի մակարդակի բարձրացմանը զուգընթաց քաղաքը հայտնվեց լճի հատակին:

Այսուհետ Ցինդաոն կամ «հազարավոր կղզիների լիճը» ստորջրյա գերեզման է քաղաքի համար, որը  հիմնադրվել է 670 թվականին և կրում է «Առյուծների քաղաք» հպարտ անվանումը:

 Զարմանալի է, բայց 26-40 մետր խորությունը թաքցնում է իր մեջ տարիներ շարունակ ազատազրկված Շիչենը :

Ավելի քան կես դար անց՝  անգամ փայտյա ճաղավանդակներն ու աստիճանները գտնվում են լավ վիճակում, կարծես թե ժամանակը Առյուծների քաղաքում անցնում է այլ կերպ:

 Սարսափելի մեռած  քաղաք կամ խորհրդավոր ստորջրյա թագավորություն․ ամեն մեկը ունի իր կարծիքը այս վայրի մասին, բայց անխոս այս վայրը՝ հարուստ և հին պատմությամբ, արժանի է ոչ միայն  սուզորդների, այլև հնագետների ուշադրությանը :

Ոչ ոք և ոչինչ հիմա չի խանգարում ձեզ ծանոթանալ Առյուծների քաղաքին, մտնել ցանկացած տուն կամ հպվել ամենաբարձր շենքի տանիքին․ այստեղ արդեն չկա անհնարին ոչինչ:

No Comments Հետաքրքիր

Լքված զինվորական հիվանդանոցը՝ որպես տեսարժան վայր

Աշխարհի ամենախորհրդավոր վայրերից մեկը լքված զինվորական հիվանդանոցն է  Գերմանիայի Բելից քաղաքում։ Այն իր խորհրդավորությամբ այսօր գրավում է  բազմաթիվ զբոսաշրջիկների ուշադրությունը։

1898 թվականին Բելից քաղաքից ոչ հեռու տուբերկուլյոզով հիվանդների համար կառուցվեց  առողջարան։

Առաջին համաշխարհային պատերազմի տարիներին այն դարձավ զինվորական հիվանդանոց, իսկ հետագա ճանաչումը  նրան բերեց Ադոլֆ Հիտլերը, ով 1916 թվականին՝ կռվում վնասվածք ստանալուց հետո,  բուժվում էր այնտեղ:

Իսկ արդեն 1930-ական թվականներին առողջարանը լավագույններից  մեկն էր Գերմանիայում:

Երկրորդ համաշխարհային պատերազմի տարիներին առողջարանը նորից վերածվում է զինվորական հիվանդանոցի:

1945 ից – 1994 թվականներին  հիվանդանոցը պատկանում էր  ԽՍՀՄ–ին: Այն Խորհրդային Միության սահմաններից դուրս  ամենամեծ խորհրդային հիվանդանոցն էր:

1994 թվականին խորհրդային զորքերը Գերմանիայից դուրս բերելուց  հետո այն ոչ մեկին չէր պատկանում և սկսեց վերածվել ավերակների։

3 տարի անց հիվանդանոցը փորձում են վերակառուցել, բայց փորձերը, չգիտես  ինչու,  ձախողվում են:

Այժմ համալիրը   նորից վերականգնվում է։

 Այս վայրը զբոսաշրջիկների շրջանում հայտնի դարձավ շնորհիվ վերջերս կառուցված հետիոտնային հարթակի:

Հետիոտնային կամրջի երկարությունը 200 մետր է, իսկ գետնից բարձրությունը՝  20 մետր։

 

No Comments Աշխարհի շուրջՀետաքրքիր

«ԹՌՉՆԱԲՆԵՐԻ ՄՐՑՈՒՅԹ – ՓԱՌԱՏՈՆ» Երևանում

Թռչունների միջազգային օրը՝ ապրիլի 1-ին, Դավթաշեն վարչական շրջանում  կայացավ «ԹՌՉՆԱԲՆԵՐԻ ՄՐՑՈՒՅԹ – ՓԱՌԱՏՈՆ»: Նախապես հայտարարվել էր, որ  փառատոնին կարող են մասնակցել անհատներ, ընտանիքներ, կազմակերպություններ՝ առանց տարիքային սահմանափակման։

Weekends.am նույնպես ներկա գտնվեց իր տեսակի մեջ յուրահատուկ այս միջոցառմանը։ Մանրամասների մասին զրուցեցինք ԷԼՄԻՐԱ ԱՆԴՐԻԿՅԱՆ-ի հետ /Դավթաշեն  վարչական շրջանի ղեկավարի աշխատակազմի կրթության, մշակույթի և սպորտի բաժին/, ով սիրով պատմեց մեզ միջոցառման մանրամասների մասին։

 

 

1․ –Ինչպե՞ս ծնվեց այս մտահաղացումը

 

Դավթաշեն վարչական շրջանի մշակութային կյանքը յուրահատուկ դարձնելու  համար, բացի ՀՀ պետական և ազգային տոներից, առանձնահատուկ ուշադ­րություն ենք դարձնում նաև միջազգային նշանակություն ունեցող տոն-օրերին: Այս տարի որոշեցինք առանձնահատուկ դարձնել ապրիլի 1-ը՝  նշելով   Թռչունների միջազգային   օրը:

 

 

2․ –Ի՞նչ կոչ է ուղղում այս միջոցառումը հասարակությանը

 

Յուրաքանչյուր  միջոցառում կազմակերպելիս հատկապես  ուշադրություն ենք դարձնում այն խորհրդին, որը ցանկանում ենք փոխանցել հասարակությանը: Ինչպես յուրաքանչյուր միջոցառում, «ԹՌՉՆԱԲՆԵՐԻ ՄՐՑՈՒՅԹ – ՓԱՌԱՏՈՆ»-ի համար առանձնաց­րել ենք հետևալ կարևոր նպատակները.

 

ներգրավել հասարակությանը շրջակա միջավայրի պահպանման գործում

պահպանել Երևան քաղաքում կանաչ  տարածքները՝  որպես կենսաբանական միջոց

նպաստել թռչունների վերարտադրմանը՝ որպես կենդանական աշխարհի հարստություն

ձևավորել երեխաների և մեծահասակների մոտ բնության պահպանման մշակույթ

զարգացնել երեխաների ստեղծագործական ունակությունները

 

3. –Արդյո՞ք մասնակիցների թիվը գերազանցեց ձեր սպասելիքները։

 

Հաշվի առնելով այն հանգամանքը, որ Թռչունների միջազգային օրը առաջին անգամ է նշվում այս  մասշտաբով, մենք կարծում էինք, որ մասնակիցների թիվը այնքան էլ մեծ չի լինի: Սակայն, ի զարմանս մեզ, մասնակիցների թիվը աննա­խադեպ մեծ է:

 

4.Կրելու՞ են  նման միջոցառումները շարունակական բնույթ:

 

Հաշվի առնելով հասարակության մեծ հետաքրքրվածությունը և ակտիվ մասնակցությունը` վստահեցնում ենք, որ թռչնաբնի փառատոնը այսուհետ կընդգրկվի մեր ամենամյա մշակութային միջոցառումների շարքում:

 

 

Ստորև ներկայացնում ենք այս  գունեղ փառատոնը ֆոտոշարքով։ Մյուս տարի, խոստանում ենք, մենք նույնպես կպատրաստենք թռչնաբուն և կմասնակցենք միջոցառմանը։

 

 

 

No Comments Հետաքրքիր

Օվկիանոսի ձայնը

Աշխարհը լի է ձայներով, որոնցից  շատերը մինչ օրս գիտության համար մնացել են չբացահայտված: Օվկիանոսը ուսումնասիրող գիտնականները հայտնաբերել են մի շարք  ձայներ, որոնք հասկանալ ու բացատրել շատ դժվար է: Այդ ձայները ֆիքսվել են  հիդրոֆոնների և ստորջրյա միկրոֆոնների միջոցով:

 

Ահա և 6 ամենաառեղծվածային ձայները, որոնք հնչել են օվկիանոսի խորքերում, և դրանց ծագման մասին ենթադրությունները:

 

  1. Ձայն «Bloop»

1997 թվականին  հիդրոֆոնները  որսացին ամենաբարձր ձայներից մեկը, որը երբևէ ձայնագրվել էր  Հարավային Ամերիկայի հարավային ափին: Ձայնը անվանվել է  «Bloop»։ Այն ֆիքսել են 2 հիդրոֆոններ, որոնց միջև հեռավորությունը եղել է 4800 կմ:

Այն ծովային կենդանու ձայն էր հիշեցնում, սակայն ձայնի հզորությունն այնքան մեծ էր, որ չէր կարող հնչած լինել գիտության կողմից հայտնի որևէ կենդանու կողմից:

Բացի այդ վարկածից՝ գիտնականները առաջ բերեցին ևս մեկ վարկած, որ այդ ձայնը կարող էր պայմանավորված լինել  սառցաբեկորի մեծ ճեղքվածքի առաջացմամբ: Մինչդեռ  շատերը հակված են հավատալու, որ ձայնը ունի կենսաբանական ծագում:

 

2․Ձայն «Julia»

 

1999 թվականի մարտի 1-ին  Խաղաղ Օվկիանոսի  արևելյան էկոտորական հատվածում գիդրոֆոնների ինքնավար ցանցի միջոցով ֆիքսվեց տարօրինակ ձայն։ Ըստ ենթադրությունների՝ ձայնի աղբյուրը սառույցն էր, ավելի կոնկրետ՝  ծովի հատակ ընկնող հսկայական Անտարկտիկական սառցաբեկորի  ձայնը։

 

  3. Ձայն «Upsweep»

 

Այս ձայնը հիշեցնում է շտապօգնության մեքենայի ձայն:  Ձայնը ֆիքսվում էր սեզոնային՝ սկսած 1991թ-ից, հիմնականում գարնանը և աշնանը։ Ենթադրվում է, որ ձայնի աղբյուրն է ստորջրյա հրաբուխային ակտիվության տարածքը, բայց գիտնականները դեռ պետք է ճշտեն, թե ինչն է իրական պատճառը։

 

4. Ձայն «Slow Down»

 

Թարգմանաբար «դանդաղեցում» անվանումը այս ձայնը ստացել է շնորհիվ նրա, որ ձայնի հաճախականությունը իջնում է 7 րոպեների ընթացքում: Ձայնը ֆիքսվել է 1997 թվականի մայիսի 19-ին Անտարկտիկայի թերակղզու մոտ: Ենթադրվում է, որ  ձայնը առաջացել է, երբ  կախված սառցաբեկորը հարվածել է ծովի հատակին՝ ցնցվելով ծանր  անկումից:

 

5.Ձայն «Train»

 

Այս ձայնը հիշեցնում է ռելսերի վրա գնացքի անիվների շփման ձայնը, այն ֆիքսվել է 1997թ․ և ամենայն հավանականությամբ առաջացել է Արևմտյան Անտարկտիդայում: Գիտականները այս անգամ ևս համոզված են, որ ձայնը առաջացրել է սառցաբեկորը, որն  իր  նեքևի հատվածով քսվել է օվկիանոսի հատակին։

 

6. Ձայն «Whistle»

 

«Whistle» (սուլոց) անվանումով ձայնը պակաս հետաքրքրական չէ, այն հիշեցնում է թեյնիկում եռացող ջրի ձայն։ Այն ֆիքսվել է 1997 թվականի հուլիսին մեկ հիդրոֆոնի միջոցով, և դա է պատճառը, որ պրակտիկորեն հնարավոր չէ մատնանշել նրա առաջացման աղբյուրը: Սակայն գիտնականները պնդում են, որ նման ձայներ  առաջացնում էին ժայթքող ստորջրյա հրաբուխները: Հնարավոր է, որ այս ձայնը,  ի տարբերություն մյուսների, առաջացել է ոչ թե սառույցից, այլ կրակից:

 

 

No Comments Հետաքրքիր

Ֆինլանդիայի քանդակների այգին․․․

Հայտնի է, որ արվեստագետները  միշտ չէ, որ ստանում են  գումար այն աշխատանքի դիմաց, որ կատարում են, կամ միշտ չէ, որ նրանց աշխատանքները ընդունվում են հասարակության կողմից, բայց առաջնորդվելով գեղեցիկը ստեղծլու անհրաժեշտության սկզբունքով`  ստեղծագործող մարդիկ  շրջապատում են իրենց իրերով, որոնք իրենք են  հորինել և ստեղծել` դրանից ստանալով հանգստության զգացում և բավարում:

Այսպիսի հետաքրքրիր արվեստագետներից է նաև 1944 թվ․ ծնված Վեդժո Ռոնկկոնենը /Веджо Ронкконен/՝ ֆին քանդակագործ, ով բնակվում էր Պարիկքալայի հեռավոր ագարակում /Արևելյան Ֆինլանդիա/։

Ռուսաստանի հետ սահմանից մոտ մեկ կիլոմետր հեռավորության վրա նա ստեղծել է քանդակների գաղտնի այգի, որը այժմ դիտարկվում է որպես ֆինլանդիայի ժամանակակից ազգային արվեստի ամենակարևոր տարր:

Այգին հետաքրքիր է այստեղ «բնակվող» մոտ 500 բետոնե արձաններով: Քանդակագործը իր առաջին քանդակը ստեղծել է 1961թվ, որը պահպանվել է մինչև այժմ: 500 քանդակներից  200-ը  քանդակագործի դիմանկարներն են:

Նա ուներ մեծ հետաքրքրություն յոգայի փիլիսոփայության հանդեպ, դրա համար նա յուրացրել է  յոգայի շատ դիրքեր, որոնք էլ ներկայացված են նրա քանդակներում: Հեշտությամբ կարելի է ենթադրել, որը նրա քանդակները նրա կյանքի ուղու մարմնավորումն են:

Տարբեր արվեստի գործերը ցույց են տալիս  նրա  կյանքի փուլերը` ընդհուպ մինչև ծերանալը: Չնայած այս այգու տարօրինակ լինլուն` այն հայտնի է ամբողջ աշխարհում:

Այգին բաց է բոլորի համար, և մուտքն անվճարէ, միակ բանը, որը խնդրում է քանդակագործը, դա հյուրերի գրքում ստորագրություն թողնելն է:  Հյուրերի յուրաքանչյուր գիրքը պարունակում է  5000 ստորագրություն: Այդ գրքից նրա մոտ կա արդեն 50-ը: Ահա թե ինչքան է հայտնի այգին:

 

No Comments Աշխարհի շուրջՀետաքրքիր
error: Նյութը ձեռք բերելու համար դիմեք հեղինակին