«Հարյուր վիշապների» վերելակը

Չինաստանի Չժանցզյացզե ազգային պարկում է գտնվում «Հարյուր վիշապների» վերելակը, որն աշխարհում ամենաբարձրն է: Այն զբոսաշրջիկներին բարձրացնում է 330 մ բարձրության վրա գտնվող դիտահարթակ:

Վերելակը բաղկացած է 3 երկհարկանի խցիկներից, որոնց բեռնունակությունը կազմում է 3750կգ: 1 խցիկում միաժամանակ կարող է տեղավորվել 48-50 ուղևոր:

«Հարյուր վիշապների» վերելակը, լինելով աշխարհում ամենաբեռնունակ, ամենաարագընթաց և ամենաբարձր բացօթյա վերելակն, ընգրկված է Գինեսի ռեկորդներրի գրքում։

 

 

No Comments Աշխարհի շուրջՀետաքրքիր

Ինչպես են նշում Սուրբ Վալենտինի օրը տարբեր երկրներում

Ամեն տարի փետրվարի 14-ին աշխարհի շատ երկրներ տոնում են սիրահարների հովանավոր Սուրբ Վալենտինի օրը։ Այս տոնը արդեն լայն տարածում է ձեռք բերել նաև Հայաստանում։ Բայց այս հոդվածում մենք կպատմենք, թե տարբեր երկրներ ինչպես են նշում այս օրը։

       Ճապոնացիները Վալենտինի տոնը վերածել են «մարտի 8-ի»   տղամարդկանց համար: Այդ օրը Ճապոնիայում կանայք խոստովանություն են անում տղամարդկանց և նվերներ են տալիս սիրելիներին։

    Գերմանիայում այդ օրը զարդարում են հոգեբուժական հիվանդանոցները, քանի որ գերմանացիները գտնում են, որ Վալենտինը հոգեկան խնդիրներ ունեցող հիվանդների հովանավորն է։

    Կան  երկրներ, որտեղ տղամարդը հագուստ է նվիրում իր սիրեցյալին, եթե նվերն ընդունվում է, նրանք ամուսնանում են:

   Իսկ ամերիկացիները այս տոնը վերածել են բիզնեսի։ Առաջինը նրանք էին, որ սկսեցին «Վալենտինկաներ» արտադրել և վաճառել:

   Միջնադարյան Անգլիայում, համաձայն ավանդույթի,  երիտասարդները հավաքվում էին, գրում էին աղջիկների անուններ, գցում գլխարկի մեջ և հերթով հանում դրանցից մեկը: Կազմավորված զույգերը դառնում էին ընկերներ մինչև մյուս Վալենտինի տոնը:

Իսկ Հայաստանում Վալենտինի օրը ուղղակի ևս մեկ հնարավորություն է ձեր սիրելին հաճելի անակնկալ մատուցելու և ասելու, որ սիրում եք, չնայած  կարծում ենք, որ այդ բառերը ասելու համար հարկավոր չէ սպասել հատուկ առիթի։

 

 

 

No Comments Աշխարհի շուրջՀետաքրքիր

Սուրբ Սարգիս՝ երիտասարդների օրհնության օր

Սուրբ Սարգիս՝ Սուրբ Սարգիս զորավարի հիշատակության օր, երիտասարդների օրհնության օր, Հայ Առաքելական Եկեղեցու կողմից նշվող տոներից, որը  նշվում է Սուրբ Զատկից 63 օր առաջ՝ սովորաբար հունվարի 18-ի և փետրվարի 23-ի միջակայքում՝ շաբաթ օրը։ Սուրբ Սարգիս զորավարը համարվում է երիտասարդ զույգերի և սիրահարների բարեխոսը։

Սուրբ Սարգիս զորավարը կարգված է համաքրիստոնեական աշխարհի սրբերի դասին։

Ավանդազրույցի համաձայն՝ նա իր որդու՝ Մարտիրոսի և 14 քաջ մարտիկների հետ նահատակվել է հանուն քրիստոնեական հավատքի։ Կոստանդիանոս կայսրը, ով նույնպես համարվում է Հայ Առաքելական Եկեղեցու սրբերից, նկատելով սբ. Սարգսի արիությունը, կարգում է նրան հարևան Կապադովկիայի իշխան և սպարապետ։

Սբ. Սարգիսը զբաղվել է նաև քրիստոնեության քարոզչությամբ և եկեղեցաշինությամբ։ Երբ Հուլիանոս Ուրացողի թագավորության օրոք սկսվում են քրիստոնյաների հալածանքները, սբ. Սարգիսը հայտնություն է ստանում Աստծուց հեռանալ կայսրությունից։ Նա իր որդու հետ հաստատվում է Հայաստանում, ուր թագավորում էր Խոսրով թագավորի որդին՝ Տիրանը։ Վերջինս Սարգսին հրամայում է ծառայության անցնել պարսից Շապուհ արքայի մոտ՝ զերծ պահելու երկիրը Հուլիանոսի արշավանքներից։ Այսպիսով, Սարգիսը նշանակվում է զորագնդերի հրամանատար։

Ավանդազրույցի համաձայն՝ նրա զինակիցները, տեսնելով Սարգսի ձեռքով Աստծո կողմից գործած հրաշքները, հրաժարվում էին հեթանոսությունից և ընդունում քրիստոնեությունը։ Սակայն պարսից շահը պահանջում է նրանից պաշտել կրակը և զոհաբերություններ կատարել։

Երբ Սարգիսը հրաժարվում է ուրանալ իր հավատքը և ավերում է բագինը, ամբոխը հարձակվում է նրա որդու՝ Մարտիրոսի վրա և սպանում նրան։ Սարգսին բանտարկում են, ապա՝ գլխատում։ Քրիստոնեական հավատքի համար նահատակվում են նաև Սարգսի 14 զիվորները։

Նահատակների մարմինները ամփոփվում են Համիան քաղաքում, որտեղից էլ, ըստ հայկական հայսմավուրքներից մեկի, Մեսրոպ Մաշտոցը վերցնում է սբ. Սարգսի մարմինը և ամփոփում Հայաստանի Կարբի ավանում։ Այնուհետև վերցնելով սրբի ատամներից մեկը՝ Մաշտոցը ամրացնում է այն խաչափայտին և մասունքի վրա Գագ լեռան գագաթին կառուցում Գագա Սուրբ Սարգիս վանքը։ Լեռը գտնվել է պատմանան Մեծ Հայքի Գուգարք նահանգում։ 

Այսպիսով, սբ. Սարգսի պաշտամունքը Հայաստանում տարածվեց 5-րդ դարից, երբ Մեսրոպ Մաշտոցը սբ. Սարգսի մասունքներն ամփոփեց Կարբի ավանում և դրանց տեղում հիմնեց Ուշիի Սբ. Սարգիս եկեղեցին և համանուն վանքը։ Հատկանշական է, որ Տեկորի տաճարը կրում է «Սբ. Սարգիսի վկայարան» անվանումը։

Սուրբ Սարգսի տոնը Հայաստանում նշել են ոչ միայն եկեղեցական ծեսով և աղոթքներով, այլև ժողովրդական ավանդույթներով: Այսպես, օրինակ, Սբ. Սարգսի տոնին նախորդող գիշերը երիտասարդ աղջիկները աղի բլիթ են ուտում և ակնկալում երազում տեսնել իրենց ապագա փեսացուին։

Ընդունված է եղել նաև տան տանիքին կամ պատշգամբում փոխինդ դնել և սպասել, թե երբ Ս. Սարգիսը կթողնի իր ձիու պայտի հետքերը։ Ըստ ավանդույթի՝ այն մարդը, ում ափսեում շաղ տված ալյուրի կամ փոխինդի միջով կանցնի սուրբը, սպասվում է մեծ հաջողություն։

 

 

No Comments Հետաքրքիր

Հեքիաթային անտառի բնակիչները

Այս ֆոտոշարքում ներկայացնում ենք  Ավստրալիայում գտնվող այս հեքիաթային անտառը, որը կարծես շունչ է առել  շնորհիվ արվեստագետ Բրունո Տորֆսի։ Մերիսվիլ գյուղում ապրող քանդակագործը այս անտառը լցրել է բացառիկ գեղեցկությանբ հեքիաթային քանդակներով։

Հետաքրքիրն այն է, որ բացի ակնհայտ երևացող քանդակները, անտառում քանդակներ կան նաև ամենաթաքնված անկյուններում։ Այս անտառը դարձել է նրա արվեստանոցը բաց երկնքի տակ։ Նրա կյանքի երազանքն էր շրջակա միջավայրը վերածել հեքիթային ախարհի, ինչն էլ նա անում է։ Շրջելով ամբողջ աշխարհում` նա իր բնակության համար  ընտրում է Ավստրալիան, որտեղ էլ և ստեղծում է իր զարմանալի այգին։

Գնելով անտառային հատվածը` նա մի քանի ամիս չարչարվում է ստեղծելու համար զարմանալի քանդակների հավաքածուն։ Այգու բացման ժամանակ արդեն կար 15 ցուցադրված քանդակ, որոնք գնալով շատացան, և այս այգին դարձավ Ավստրալիայի գեղատեսիլ վայրերից մեկը։ Այգում կան 150  քանդակներ, և հեղինակը չի դադարում դրանք ավելացնել, ինչի շնորհիվ էլ այս փոքրիկ քաղաք տարեկան այցելում են հազարավոր զբոսաշրջիկներ։

Ցավոք 2009թվ-ի անտառային հրդեհները չէին խնայել նաև այս հրաշք այգին և աշխատանքների 40% այրվել էր, բարեբախտաբար այգու հեղինակը և նրա ընտանիքը չէին վնասվել։ Մեծ ցավով և ուրախությամբ հեղինակը նայում էր իր տարիների աշխատանքին և զարմանում, թե ինչպես են քանդակների մեծ մասը մնացել կանգուն, կարծես դա ցանկացել էր հենց ինքը՝ բնությունը։ Նա լծվում է աշխատանքի և վերկանգնում այգին, և այն կրկին բացվում է այցելությունների համար։

 

 

No Comments Հետաքրքիր

Ուրվականների եկեղեցու պատմությունը

Սուրբ Գևորգ եկեղեցի կամ ուրվականների եկեղեցի, որը գտնվում է Չեխիայի Լուկովա գյուղում։ Այս եկեղեցին սովորական եկեղեցի էր, բայց 1968թ․-ին այստեղ թաղման արարողության ժամանակ տեղի ունեցած միջադեպը ստիպեց մարդկանց հավատալ, որ այն անիծված է։

Բանն այն է, որ հենց արարողության ժամանակ եկեղեցու տանիքի մի մասը փլուզվում է, և մարդիկ մտածում են,  որ դա չար նշան է։

30 տարուց ավել այս եկեղեցին մնում է լքված, մինչ չեխ արվեստագետ Ջակուբ Հադրավան եկեղեցու ներսում ուրվականների տեսքով քանդակներ է տեղադրում։

Այսպես նրան հաջողվում է գրավել զբոսաշրջիկների ուշադրությունը։ Եվ այո՛, Չեխիայի հեռավոր գյուղում գտնվող այս եկեղեցին տարեկան բազմաթիվ զբոսաշրջիկների է ընդունում․  խնդիրը միայն ամուր նյարդեր ունենալն է․․․

 

 

 

No Comments Աշխարհի շուրջՀետաքրքիր

 Տոնդ շնորհավոր, Հայո՛ց Բանակ

    Այսօր՝ հունվարի 28-ին, Հայաստանի Հանրապետությունը նշում է Բանակի օրը, Weekends.am-ը շնորհավորում է բոլոր զինծառայողներին՝ մաղթելով նրանց կուռ առողջություն, անփորձանք ծառայություն և բարի վերադարձ։ Շնորհակալ ենք մեր անդորրը հսկելու և հայրենիքին ծառայելու համար։

 Տոնդ շնորհավոր, Հայո՛ց Բանակ

 

 

No Comments Հետաքրքիր

Մի փոքր արև և ջերմություն մեր հետևորդից՝ Հունաստան

    Այս ձմեռային օրերին մի փոքր արև և ջերմություն ենք բերել մեր հետևորդ Ժենյայի տրամադրած արևային հունական ֆոտոշարքով։ Եվս մեկ անգամ շնորհակալ ենք մեր հետևորդներին մեր կողքին լինելու համար։ Իսկ Դուք դեռ չե՞ք ուղարկել մեզ լուսանկարներ, կամ չե՞ք կիսվել Ձեր պատմությամբ և տպավորություններով մեր՝ Իմ օրագիրը բաժնում, դե ուրեմն, մենք սպասում ենք հենց Ձեր հոդվածին։

« 1 of 2 »
No Comments Աշխարհի շուրջՀետաքրքիր

Տոնական տրամադրությունը Մոսկվայում․ ֆոտոշարք

Մոսկվայի տոնական տրամադրությամբ  մեզ հետ կիսվել է մեր հետևորդ Ժենյան։ Քաղաքի գեղեցկությանը կարող եք ծանոթանալ ֆոտոշարքում ստորև, և եթե դուք էլ ունեք գեղեցիկ լուսանկարներ, մի՛ մոռացեք կիսվել մեզ հետ, քանի որ մեր Ճամփորադական Օրագիրը բոլորի համար է։ Մենք սպասում ենք հենց Ձեր պատմությանը։

No Comments Աշխարհի շուրջՀետաքրքիր

Շնորհավոր Ամանոր և Սուրբ Ծնունդ․․․

 

Weekends.am-ը շնորհավորում է բոլորին գալիք տոների կապակցությամբ և մաղթում է, որ գալիք 2020-ը լինի բազմաթիվ ճանապարհորդությունների,  անմոռանալի տպավորությունների, գեղեցիկ լուսանկարների տարի, և այս ամենը իհարկե ուղեկցվի առողջությամբ, սիրով և  գործնական մեծ հաջողություններով։

 

Շնորհավոր Ամանոր և Սուրբ Ծնունդ․․․

 

 

No Comments Հետաքրքիր
error: Նյութը ձեռք բերելու համար դիմեք հեղինակին