Պատրաստում ենք մրգային կոկտեյլ

Այս մրգային կոկտեյլը պատրաստելու համար մեզ հարկավոր է՝

 

Երկու կիվի

Չորս բանան

Տաս նարինջ

 

Եթե ունեք ձեռքի տակ այս բաղադրիչները, ուրեմն սկսենք։ Բանանը հարում ենք բլենդերով և լցնում ենք մատուցվող բաժակի մեջ, ապա ավելացնում ենք թարմ քամած նարնջի հյութը, ձևավորում ենք կիվիի և նարնջի շերտերով և վերջ, կարող ենք մատուցել։

 

 Հաճելի և համեղ օր

 

 

 

No Comments Աշխարհի ուտեստները

Պատրաստում ենք Կեսար աղցան

  • հավի կրծքամիս – 200գր
  • լոլիկ չերրի – 100գր կամ 1 հատ սովորական լոլիկ
  • պանիր պարմեզան – 50գր
  • հազարի թերթեր – 1 կապ
  • հաց սպիտակ – 1/2 հատ բատոն
  • սխտոր – 1 պճեղ
  • ձիթայուղ
  • աղ
  • պղպեղ սև
  • Սոուսի համար՝
  • ձվի դեղնուց – 2 հատ
  • ձիթայուղ – 100մլ
  • հյութ կիտրոնի – 3ճ/գդ
  • սխտոր – 1-2 պճեղ
  • մանանեխ – 1-2թ/գդ
  • աղ

2ճ/գդ ձիթայուղի մեջ լցնել կտրատված 1 պճեղ սխտորը, ապա թողնել այդպես 30 րոպե, որից հետո հանել սխտորի կտորները:
Բատոնի շերտերից առանձնացնել կողքերի չոր մասը, ապա կտրատել խորանարդիկներով: Լցնել ջեռոցի տապակի վրա, ապա վրան ցանել սխտորի համով ձիթայուղը և խառնել:

Տեղափոխել տապակը 150 աստիճան տաքացրած ջեռոց 20-40 րոպեով մինչև չորահացերի կարմրավուն երանգի ստանալը:

Սոուսը պատրաստելու համար ձուն խաշել, թողնել սառչի և առանձնացնել դեղնուցները սպիտակուցից:
Սխտորի ճզմիչով անցկացնել դեղնուցները, սխտորը և լցնել առանձին ամանի մեջ: Ավելացնել նաև մանանեխը, կիտրոնի հյութը, 1 փոքրիկ պտղունց աղը և լավ խառնել:

Մաս առ մաս ավելացնել ձիթայուղը և խառնել ստացված զանգվածը:

Հավի կրծքամիսը կտրել մեջտեղից, համեմել աղով, պղպեղով և տապակել ձիթայուղով պատված թավայի մեջ:

Սոուսը գդալով լավ խառնել մինչև նրա միատարր դառնալը:

Մեծ ափսեի վրա շարել հազարի թերթերը, վրան տեղադրել հավի ձողիկներով կտրատված միսը, չորահացը, ապա խոշոր քերիչով անցկացրած պարմեզանը:

Աղցանի վրա շաղ տալ սոուսը և շարել կտրատված լոլիկները:

 

No Comments Աշխարհի ուտեստները

Իսպանական աղցան լոլիկով և վարունգով

Այս անգամ առաջարկում ենք պատրաստել իսպանական աղցան՝ լոլիկով և վարունգով։ Ամառվա այս շոգ եղանակին բանջարեղեններով աղցանները շատ հարմար են և հեշտ պատրաստման մեջ։

 

Մեզ անհրաժեշտ է՝

 

  1. Լոլիկ – 3 հատ
  2. Վարունգ – 3 հատ
  3. Կանաչ սոխ – 1.5 հատ
  4. Բուսական յուղ – 3 ճ/գ
  5. Քացախ – 1 ճ/գ
  6. Մանանեխ – 1 ճ/գ
  7. Սխտոր – 3 ատամիկ
  8. Սև աղացած պղպեղ՝
  9. Աղ

Սկզբում լոլիկն ու վարունգը բարակ շերտատում ենք, ապա  դասավորում ենք ամանի մեջ  հետևյալ հերթականությամբ՝ լոլիկի շերտ, ապա  սոուս, հետո սոխ,  վարունգ, սոուս, սոխ, լոլիկ։ Այսպես մինչև վերջին բանջարեղենի սպառվելը:

 

Սոուսը պատրաստելու համար խառնում ենք՝

 

բուսական յուղ,

քացախ,

պղպեղ,

աղ,

մանանեխ,

մանրացված սխտոր:

 

Համեղ և հաճելի օր։

 

 

No Comments Աշխարհի ուտեստները

Պատրաստում ենք լիմոնով պաղպաղակ

Հունիսի 10-ը  պաղպաղակի համաշխարհային օրն է համարվում։ Այս կապակցությամբ առաջարկում ենք միասին պատրաստել  լիմոնով պաղպաղակ։

 

Գնացինք…

Լիմոնի հյութը քամում ենք, սերուցքը հարում մինչ թանձրանալը:  Սերուցքը չափից շատ պետք չէ  հարել, եթե չեք ցանկանում, որ  պաղպաղակը յուղոտ ստացվի:

Սերուցքի մեջ խտացրած կաթ ենք լցնում, խառնում ենք և ավելացնում ենք լիմոնի հյութ: Զանգվածը կաղապարի մեջ ենք լցնում, ապա դնում ենք սառցախցիկ:

2 ժամ հետո պաղպաղակը հանում ենք , խառնում և դնում ենք սառցախուցը, այնհտետև մնում է միայն սպասել մինչ պաղպաղակի լավ սառչելը։

 

 Հաճելի և համեղ օր:

 

 

No Comments Աշխարհի ուտեստները

Պատրաստում ենք պիցցա Մարգարիտա

Մարգարիտա պիցցայի ստեղծման պատմությունը.  Նեապոլի պիցցերիաներից մեկի հիմնադիրը պիցցա է պատրաստել Մարգարիտա թագուհու համար` Իտալիայի  դրոշի գույներով. կանաչը` ռեհան, կարմիրը` լոլիկ, սպիտակը` մոցարելլա պանիր։ Թագուհին շատ է այն հավանել, իսկ դե, աշխարհն էլ  ստացել  է «համեղ բրենդ»:

Այս անգամ առաջարկում ենք միասին պատրաստել պիցցա Մարգարիտա, որը ոչ միայն համեղ  է, այլև ունի պատրաստման հեշտ եղանակ։

 

Մեզ հարկավոր է՝

 

փակած պոմիդոր 

3 թ գ մանրեցրած սխտոր

1 կամ կես բաժակ չորացրած ռեհան

2 ճ գ զեյթունի ձեթ

մի փոքր կարմիր կծու բիբարի փաթիլներ կամ փոշի

3 ճ գ մոցցարելլա պանիր 

 

Սոուսը պատրաստելու համար տաքացնում ենք զեյթունի ձեթը թավայի մեջ: Ավելացնում ենք սխտորը, մի փոքր հետո նաև փակած լոլիկները: Աղ, բիբար, կարմիր կծու բիբար, ռեհան և…վերջ: Պիցցայի սոուսը պատրաստ է, կարող ենք այն լցնել պիցցայի խմորի վրա։ Այնուհետև ավելացնում ենք մոցցարելլան ու թարմ ռեհանի տերև:

Տաքացնում ենք վառարանը մինչև 150 աստիճան ու տեղավորում պիցցան այնտեղ` 10-15 րոպեով:

 

Մատուցում ենք սիրով և լսում գովասանքի խոսքեր։

 

 Համեղ և հաճելի օր։

 

No Comments Աշխարհի ուտեստները

Պատրաստում ենք իտալական աղցան

Այս անգամ պատրաստում ենք իտալական խոհանոցի համեղ աղցաններից այս մեկը։

Մեզ հարկավոր է ՝

 

300 գ խոզապուխտ,

2 հատ լոլիկ,

2 հատ քաղցր պղպեղ,

400 գ մակարոն,

30 գ եգիպտացորեն,

200 գ պանիր,

աղը և մայոնեզը՝ ըստ ցանկության։

 

   Եփում ենք մակարոնները աղը ջրում և թողնում ենք, որ  սառչի։ Լոլիկը և պղպեղը կտրատում ենք քառակուսիկների, խոզապուխտը՝ բարակ շերտերի։

Պանիրը քերում ենք մեծ քերիչով և խառնում բոլոր բաղադրամասերը, ապա ավելացնում ենք մայոնեզ։

Հաճելի և համեղ օր։

No Comments Աշխարհի ուտեստները

Վրացական խոհանոց․Չանախի

     Վրացական խոհանոցի գրեթե բոլոր ուտեստներն ունեն կծու և սուր համ։ Նրանք լայնորեն օգտագործում են բանջարեղենային ուտեստներ և որպես լրացում՝  մսային ուտեստ։ Կա տարբերություն Արևմտյան Վրաստանի  և Արևելյան Վրաստանի խոհանոցների միջև։ Արևմտյանի խոհանոցում օգտագործում են եգիպտացորենի ցորեն, գերիշխում է կորեկը, սուլուգունի վրացական պանիրը։ Արևելյան խոհանոցում օգտագործվում է ցորենի հացը։ Բացի այդ, Արևելյան Վրաստանի խոհանոցում օգտագործվող մսի մեծ մասը կազմում են ընտանի կենդանիները: Ձկնային ուտեստները Վրաստանում հազվադեպ են լինում, բացառությամբ այն մասերի, որտեղ զարգացած է ձկնորսությունը:

    Չանախին վրացական խոհանոցի ճաշատեսակ է, որը կավե անոթում բանջարեղենի հետ շոգեխաշած ոչխարի միս է։ Չանախիի ավանդական բանջարեղենները՝ կարտոֆիլը, լոլիկը, սմբուկը և սոխը, անոթի մեջ շարում են շերտերով։ Բոլոր բանջարեղենները միասին վերցվում են մսի զանգվածի չափով։ Չանախիի պատրաստման համար, որպես կանոն, օգտագործվում են վրացական խոհանոցին հատուկ համեմունքներ։ Կերակրատեսակն ի հայտ է եկել մինչև 16-րդ դարը, երբ կարտոֆիլը Ամերիկայից բերեցին Եվրոպա։

 Ճաշատեսակը միայն վրացական խոհանոցին չէ հատուկ։ Նման ճաշատեսակ տարածված է նաև Արևելքում։

 

 

No Comments Աշխարհի ուտեստները

Թեյենք անգլիացիներին բնորոշ էլեգանտ ոճով․․․Afternoon Tea

Եթե եղել եք Անգլիայում, ուրեմն հաստատ լսած կլինեք Afternoon Tea-ի / կեսօրյա թեյի / մասին․․իսկ եթե ոչ, մենք կպատմենք ձեզ այդ մասին: Ինչ է անգլիական կեսօրյա թեյը․․․/Afternoon Tea/

Կեսօրյա թեյախմության ավանդույթը գալիս է դեռ վաղ 1840-ական թվականներից։ Այս ավանդույթին սկիզբ է  դրել Բեդֆորդի 7-րդ դքսուհի Աննան։ Նա սովորաբար ճաշկերույթներից առաջ, մինչ հյուրերը կհավաքվեին, իր համար   փոքրիկ ուտելիք էր պատվիրում, որը կոտրում էր նրա քաղցը մինչև ճաշկերույթը։  Այնուհետև դքսուհին ճաշկերույթից առաջ սկսեց  հրավիրել իր ընկերուհիներին, և նրանց մատուցվում էր կեսօրյա թեյը, մինչ տղամարդիկ կհավաքվեին։ Այսպես այս ավանդույթը տարածում գտավ  բարձրաստիճան կանանց շրջանում՝ որպես հատուկ արարողակարգ, այնուհետև ավելի լայն տարածում ստացավ հասարակության մեջ։

Afternoon Tea-ին իր մեջ ներառում է փոքրիկ սենդվիչներ, ավանդական անգլիական թխվածքներ և, իհարկե, թեյ։ Կեսօրյա թեյը մատուցվում է մինչև ժամը 5-ը ՝  քաղցը կոտրելու նպատակով։ Նաև այդ ընթացքում անգլիացիները ծանոթանում են օրվա նորություններին ՝ ընթերցելով թերթերը։

Այս ավանդույթը պահպանվել է մինչ օրս։ Անգամ Անգլիայի ռեստորաններում թեյախմության համար հատուկ ժամեր կան ՝ իրենց առանձին ճաշացանկով։

 Եթե լինեք Անգլիայում, դարձեք այս հետաքրքիր ավանդույթի մի մասնիկը  և թեյեք անգլիացիներին բնորոշ էլեգանտ ոճով․․․

 

Լուսանկարները weekends.am-ի կեսօրյա թեյախմությունից՝  Անգլիա․․․

 

 

No Comments Աշխարհի ուտեստներըՃամփորդական օրագիր

Չինական խոհանոցի առանձնահատկությունները

Չինական խոհանոցը աշխարհի ամենահետաքրքիր ուտեստներով է լի: Այս խոհանոցն իսկապես յուրահատուկ է:

 

Չինական խոհանոցում պարզ բաժանում չկա մսային, բանջարեղենային,  փոխարենը տարբեր բաղադրիչներ համադրված են մի ճաշատեսակի մեջ: Շատ բնորոշ գիծ է ճաշերի ներդաշնակեցումը, որը նշանակում է, որ մի անգամ ուտելու ընթացքում չինացիները երբեք չեն մատուցում մսի նույն տեսակը պարունակող կամ նույն համն ու տեսքն ունեցող երկու ճաշատեսակ: Դա կապված է  փիլիսոփա Յի Յինի հռչակած տեսության հանդեպ ուժեղ հավատի հետ: Այս տեսության համաձայն՝ յուրաքանչյուր համը համապատասխանում է մի ներքին օրգանի, այս պատճառով ճաշի մեջ համերը համադրելով՝ օրգանիզմը մնում է առողջական լավ վիճակում։

 

Գոյություն ունի այսպես կոչված չինական խոհանոցի ութ տեսակ (中国八大菜系).

 

քաղցր կանտոնյան. հայտնի է իր նուրբ և խրթխրթան ուտեստներով,

անհոյան,

բուրավետ, քաղցր և թարմ ֆուցզյանյան,

ձիթային և բազմագույն հունանյան,

ցզյանսու խոհանոց,

արտասովոր շանդունյան – հենց այնտեղ են պատրաստում շնաձկան լողաթև և ծիծեռնակի բույն,

կծու և յուղային սըչուանյան. հայտնի է ուտեստներից դուրս եկած համի պահպանմամբ և դանակի հմուտ աշխատանքով,

չժեցզյանյան:

 

 

Չինացիները աղ ու բիբար չեն դնում սեղանին, քանի որ նրանք գրեթե չեն օգտագործում շատ երկրների սեղաններից անպակաս այս համեմունքները: Դրանց փոխարեն, սակայն, նրանց սեղանին կարող ես գտնել չիլի, քացախ ու սոյայի սոուս:

 

Ինչ վերաբերում է միջատներին, շատ չինացիներ նույնիսկ ծիծաղում են, երբ զբոսաշրջիկները փորձում են համտեսել միջատներ ու սողուններ։

 

No Comments Աշխարհի ուտեստները

Պատրաստում ենք իտալական «Պեպերոնատա»

Այս անգամ հրավիրում ենք իտալական խոհանոցի սիրահարների ուշադրությունը․․․պատրաստում ենք իտալական «Պեպերոնատա»:

 

Մեզ հարկավոր է՝

 

    հավի ֆիլե – 500 գ

    ալյուր – 1 ճ/գ

    սոխ – 2 գլուխ

    սխտոր – 4 պճեղ

    սև պղպեղ – ըստ ճաշակի

    աղ – ըստ ճաշակի

    կարմիր տաքդեղ – 2 հատ

    լոլիկ – 400 գ

    լոլիկի մածուկ – 2 ճ/գ

 

   Հավը լվանում ենք և 2×2 չափի կտորների բաժանում, այնուհետև աղով և պղպեղով համեմում ենք։ Ավելացնում ենք ալյուրն ու լավ խառնում։ Թավայի մեջ 2 ճ/գ բուսայուղ ենք տաքացնում և ֆիլեն 5-7 րոպե տապակում։  Հանում ենք և տեղափոխում այլ ամանի մեջ։ Սխտորը ճզմում ենք, սոխը կիսաշրջանաձև կտրատում, տաքդեղը բարակ կտրատում, լոլիկը կեղևահան  անում, ավելացնում 2 ճ/գ լոլիկի մածուկը և բլենդերով լոլիկի խյուս պատրաստում։

      Սոխն ու սխտորը 4-5 րոպե տապակում ենք։ Ավելացնում ենք տաքդեղը և 5 րոպե տապակում։ Այնուհետև ավելացնում ենք մի կողմ դրած ֆիլեն՝ այդ զանգվածին ավելացնելով լոլիկի խյուսը հասցնում ենք եռման աստիճանի և 20-25 րոպե շոգեխաշում։ Եվ վերջ․․․

Համեղ և հաճելի օր։
No Comments Աշխարհի ուտեստները
error: Նյութը ձեռք բերելու համար դիմեք հեղինակին